نهژاد عزیز سورمێ
نووسەر و شاعير، هەولێر
…………………………
( سیدۆری
پیاڵهی بادهم بهنیوه نهكردبوو
له نهشئهی سپێدهیان كردم
نهیانهێشت گڕوگاڵی ههتاو
بهسهر ڕوومهتی چیایانهوه ببینم ..)
له قهسیدهیهكی بڵاوكراوهی
پێشترمهوه.
(1)
/ به/ دڵی/ بهدمهستم/ گوت:/
/ كه/ له/ ئاههنگی/مهعشووقدا/ دهفڕی/
/ ڕوناهی/
/ ههمووی/ له/ تۆدا / ههڵدهبێ/
/ لێ/ گهڕێ/ جێیهكمان/ له/ كونجێكی/
/ خهراباتا/ بهركهوێ./
/ لێمان/ گهڕێ/ ئێمه/ سێبهری/ چڵی/
/ دارهبهنێكمان/ بهسه./
ئهو شهوهی
كهزی تۆم
به ئهستێره ڕژاوهكان چواند ،
تێنهگهیشتم سروهی ماتهم
له چ لایهكهوه ههڵی كرد؟
تێنهگهیشتم نهخشهی تهمهن
چ شێوهیهكی وهرگرت..؟
بێ بادهییه وشكهسهما
شكهنجه ئارمووشی خاشاك.
(2)
/ نێرگز/ ساڵی/ جارێك/ بهخۆی و/ به/ تهمهنی/
/ لهبیركراوی/ بێ/ پهروا / له/ گلهیی/ عاشقان/
/ دێتهوه/
/ تۆ/ نایهوه/ تۆ/ له/ ئهسرین و/ زام/ ناگهی/
سهحهر ئهنگووت
ئهوان لهخۆیان زیاتر نهدی.
من لهگهڵ باراندا دهنووم هۆشكـۆڵ!
گریانم له بانیژه ههڵخهستووه .
پێم له پێخوستی بهیانی ناوه ..
تۆ ههستت لهجهنگهڵستانی
ئارهزوودا بهند كردووه.
شاڵاوی ئاڵوودهییه ئهمه، پهتایه
شهوقی نۆشین چۆن دهبینن؟
(3)
/ جادووگهرێكی/ سرووشتبهدهر/ دزه/ دهكا و/
/ بهخۆی و/ به/ ئاسۆیهكی/ بێ/ سنوورهوه/
/ دێته/ ژوورهكهم/
/ ئهو/ جادووگهره/ پرۆمیسیۆسی/ جوانیدزه/
/ نهك/ ئاگر/ جوانی/ حهوت/ حۆریانی/ دزیوه/
/ هاتووه/ شایهدیم/ پێ/ بدا/ سهودایهكی/
/ لهگهڵ/ خۆردا/ پێ/ بكا../
ببووره، خهون ڕایكێشام،
له مهزرای خهم بووم
كۆتهڵم دهچاندن..
ببووره، وڵاتی ڕووهكنشین ،
ڕووباری تریفهی پێدا دههاتن..
ببووره،
لهوێدا، له خهونی ماندووان ،
ڕێیهك نییه
بگاته جێ..!
(هاتی)یهك نابینی
(قاتی) بهرامبهر نهبووبێ..
ببووره!
سهرمهدییه..ئهمه .. ببووره!
(4)
/ باڵمان/ گرت/ با/ حسابێكی/ بۆ/ نهكردین/
/ مێژوو/ و/ جوغرافیای/ شاره/ بریقهدارهكانمان/
/ هێنا/ له/ مهیدانی/ چۆلی/ ویژدانمان/ دانا../
/ ئهوهی/ نهدهدیترا / ئێمه/ بینیمان/
/ پهیامبهرانی/ نیگهرانیی/ نیشتمانی/ ڤایرۆس/
/ جیهانی/ پێكهنیناوی../ ئهوهی نهدیترابوو/
/ ئێمه/ بینیمان../
نگینی ئهنگووستیلهكهم
زهردهخهنهی گوڵئهستێره،
تهنیایی شهوانم بهبیر دێنێتهوه.
نگینی ئهنگووستیلهكهم
بێتاویم لهبیر دهباتهوه .
نگینی ئهنگووستیلهكهم دۆستمه
له زۆر ئاشناو برادهر دڵسۆزتر ..
(5)
/ سهری/ له/ بن/ ههنگـڵی/ خۆی/ ناوه/
/ كهیل/ بووه/ تا/ ڕادهی/ هوشیاری../
/ ئهم/ بوونهوهره/ بن دیوار و/ شهقام و/ شۆسته و/
/ زبڵخانه/ نهما/ سهری/ پێ/ نهكا../
/ ههموو/ زهمهنهكانی/ لێ/ كۆبوونهتهوه../
/ ئهم/ بوونهوهره/ ههزاران/ ساڵه/ بهڕێوهیه/ تا/
/ ئێستا/ كهس/ لێی/ نهپرسیوهتهوه./
دیوار تا نهڕووخێ
نووری پێدا نایێ..
دیوار ماڵه..
ئهی بانگی هاژهی دوور!
پهنجهرهی ڕۆح!
ئهی ساوی مینای تهملێدراو!
بێ دان و ئاومان مهكه
بههێزی خهڵوهت
به شهوقی لێزمه ،
دیوارهكان بڕووخێنه
نوورمان دهوێ ئێمه، نوور
نوورمان دهوێ ، ئێمه ،
نوورمان دهوێ
نوور…
(6)
/ چاوهڕوانیی/
/ له/ كهوێكی/ ڕاوهدوونراو/ دهچێ/
/ دهرگاكان/ كراوهن/
/ بهڵام/ كاتپهرستان/
/ كه/ ههمیشه/ سێبهری/ یهكترن/
/ ڕێگاكانیان/ گرتووه./
ڕۆژگار دێن
له تاریكی شهودا
نقوم دهبن.
شهوگار دهڕۆن،
له باوهشی ڕۆژگاردا دهتوێنهوه.
ئهی ئاشنا! غهریب!
وهك باڵای گوڵهگهنم،
ههڵپهی برسیهتی ..
وهك خوڕهی تاڤگه،
سمكۆڵی ئهشكهوتی تینوویهتی.
(7)
/ ئهگهر/ ویستت/ بگهیته/ ترۆپك/
/ پێویسته/ بزانی/
/ كراوات/ چۆن/ گرێ/ دهدرێ/
/ خهمه/ ڕاستینهكان/
/ له/ بڵندیيان/ كۆدهبنهوه../
/ بههاران/ مرۆڤ/ دڕك و/ گوڵ/
/ لێك/ جودا/ ناكاتهوه./
له باخچهیهكی پهنهانی
گوندێكی دووردا
گوڵ گوڵم چنی،
بوو به چهپك
خهون بوو
پێڕانهگهیشتم ،
له جهستهی تۆی وهربێنم.
(8)
/ مۆسیقای/ پێنجشهموان/
/ چ/ دهگهیهنێ؟/
/ بهردی/ كهپكان/
/ به/ چی/ سیمایان/ دهگۆڕن؟/
/ هاوار/
/ به/ قوڵپی/ گریانهوه/ جوانه/ یا/ به/ كپی؟/
له دنیای فانی ئێمهدا ،
چهند هاتن ، چهند چوون
تامی عهشقیان نهكرد..
چهند فرمێسك
لهڕێی مهیخانهدا ڕژان ..
چهند بهژنی تاریك ،
به باڵای نووردا بڕان..
تۆ وهره گهورهم!
بڕوانه شاری عاشقان
به بێی تۆ
چهند چۆل و وێرانه.
(9)
/ جۆللانه/ فێری/
/ زمانی/ لێكدابڕاوی/ كردین ../
/ پاسهوانی/ ئاگر/ نووستووه../
/ كاغهز/ دهبارێ/
/ ئاسمان/ سپی / دهچێتهوه./
مهترسه!
ئهوه خاڵی لاوازی منه
كه نهتوانم بێ ئاودهنگ بم..
ئهوه خاڵی لاوازی منه
نهتوانم هیوابڕاوان له ئامێز نهگرم .
ئهوه خاڵی لاوازی منه، بێ بهینهت!
بێ ماسك و ڕووبهندان بژیم .
مهترسه!
خهڵوهت و تهناهی ،
خاڵی لاوازی منن ..
(10)
/ سێنی/ به/ ههر/ لایهكدا/ دهسووڕێنی/
/ ههمان/ دهنگ/ ههمان/ ڕهنگ/ ههمان/
/ زیندهخهو/ ههمان/ سهرگهردانی/
دوورگهی گهمارۆدراو
تینووی ههواڵێكه.
ڕێبوارێك لهو ناوه نابینرێ ..
باڵندهیهك له ئاسماندا دیار نییه ..
ئهو ساتانه تا ههتایێ نامێننهوه ،
تا ههتایێ بێدهنگی، دهنگ ناداتهوه.
(11)
/ پاكیزهكان/
/ لهبهر/ ئاستانهی/
/ پهرستگاكانی/ سۆمهردا/
/ جێیان/ نابێتهوه./
/ پاكیزهكان/ قوربانیی/ شارستانییهت و/
/ سهنگدڵی/ كاهینه/ لایهنگیرهكان/ بوون../
/ كه/ به/ بهر/ چاوی/ كهون و/ كائینات/ به/
/ ناوی/ پیرۆزگرییهوه/ چرایان/ دهكوژاندنهوه./
له شاری ڕههایهتیدا ،
شاری پاسهوانی دانهوێڵه
دهخوازێ نوێژی كازیوه دابهستین و
ههموومان
له سرووتێكی
خاڵی له شوێن ، لهكات ،
وهك كهسێ كێشمانهی خۆی بدا
باوهشمان بۆ پڕشنگ واڵا بێ ..
(12)
/ شتێكمان/ ون/ كردووه/ نازانین/ چییه/
/ شتێكمان/ دۆزیوهتهوه/ نازانین/ چییه!/
/ بهفر/ كه/ له/ ئهزهلهوه/ سپییه/
/ فریشتهی/ ههڵلووشیون./
تهنگدڵی
سهرهتای شانۆییهكه نهبوو.
تهنگدڵی، نهخشێك بوو ،
به پهنجهی خوێناوی
بهسهر جۆگهو ڕووبار و دهریاكان كێشرابوو.
دونیا سارده..
ئاسۆ له گیانهڵادایه..
سهرهتا تهنگدڵی نهبوو
شهو و ڕۆژ خۆیان
لهكوێدا حهشار داوه؟
(13)
/ ئهم/ ڕێیه/ چار/ نییه/ دهبێ/ بگاته/ جێ./
/ وهره/ مهڕۆ/ وهره/ دامهزرێین/ به/ سۆزێكی/
/ پیرۆزهوه/ نهێنییهكان/ بخۆینهوه/ وهره/
/ بچینهوه/ باوهشی/ خۆمان./
سهرسامیم ون كردووه
لهكوێی دهدۆزمهوه؟
سهرسامی ون بكرێ
لهكوێ دهدۆزرێتهوه؟
ئاوێنهیه.
ئاوێنهیه سهرسامی.
(14)
/ خهونهكانمان/ چییان/ لێ/ هات؟/
/ پێم/ دهڵێی/ با / بردنی ../
/ ئای/ لهوه! / ئای/ له/ شاری/ پهردهپۆش و/
/ بهژاوهژاو!/
ئهو مروارییهی
له داڵانی ڕێكهوتدا،
شهوق ئهداتهوه
ئهو مروارییه نییه
لهكانی ڕۆشناییدا
ورشه دهدا.
(15)
/ ماسكهكانم/ پێ/ لانهدرا/
/ ناتوانم/ بۆت/ بگێڕمهوه،/
/ ههر/ ناشگێڕدرێتهوه../
/ ههڵدانی/ پێكیش/ ئهتهكێتی/ خۆی/ ههیه../
/ دڵم/ دهڵێ/ ئهم/ بهرهبهیانه/ بنهوشهییه/ مژدهی/
/ ژێردارگهڕانیی/ ڕووبارێكی/ شێتی/ پێوهیه../
زۆرجار تاسان
بهرگی ئاڵوواڵا دهپۆشێ.
زۆر جاران گیان
به نهغمهی نیگامهستان سهرخۆش…
ئهو كوڕژنهی پێش كاروان خۆڕایی نییه.
خۆڕایی نییه ئهو كوڕژنه.
ئهو كوڕژنه ههرگیز خۆڕایی نییه.
(16)
/ چاندنی/ دانهوێڵهمان/
/ بۆ/ نیشتمانێكی تر/ ههڵگرتووه./
/ كێڵانی/ زهوییهكانمان/
/ بۆ/ ساڵێكی/ بێ/ پاییز و/
/ بههار و/ زستان و/ هاوین/ ههڵگرتووه./
/ داخۆ/ ئهڤینمان/ بۆ/ كهی/ ههڵگرتووه؟/
ئهو به پهیمانهیهك
به زهمهندی خهیاڵ..
كێوی قافی ههیه.
تۆ به دهریای مهی
بهچیای چراخان، هیچ..
(17)
/ شهقامهكان/ چۆل/ نین/
/ وشكهڕوانین/ چۆلی/كردوون/
/ وشكهڕوانین/
/ ناهێڵێ/ مۆسیقا/ وێنهی/ بكێشرێ/
/ كێ/ باوهڕ/ دهكا/
/ مانگ/ سیمای/ كچی/ دارستانی/
/ له/ دهرفهتێكی/ گوماناویدا / دزی/ بێ؟/
شهو ڕهشدانهگهڕاوه
ئێمهین وهنهوزی لالهزار نابینین.
ئێمهین دێین باخچهی بهههشت
لهبهر پێیاندا دهچێنین.
خودایه!
به گهورهیی خۆت
فهرمان بده:
زایهڵهی خاكهڕایی و
گڕگرتووی عاشقان
له دنیای نیهانی ونبوومان
شهوق بداتهوه..
(18)
/ جيهانبينيمان/ شووشهشهیهكی/ شكاوه/
/ به/ خورپهی/ باڕێزهوه/ دهشنێ/
/ كهژاوهی/ ڕهنگداپچكوڕاوان/ لهبهر/ تاوی/
/ بارانی/ كوێر/ بارانی/ كهڕ/ بارانی/ لاڵ…/
دهرگا دامهخه!
با پهنجهرهكان كراوهبن
گرفت نییه،
من لهگهڵ خۆمدا
له خهڵوهتدام.
(19)
/ نیوهڕۆیه/ خهمبارهكان/ تووڕ/ دهدهم/
/ منداڵیی/ دهێڵمهوه/ وهك/ ئاو/
/ بۆنی/ شهو/ بۆنی/ گوڵه/ مل/ لارهكانی/
/ ئهم/ دیو/ و/ ئهو/ دیوم/ دهكهم./
/ ئهوهی/ دهیزانم/ له/ نیگهرانیی و/ دڵتهنگی/
/ چیایان و/ بهرههنگی/ ڕووبار و/ ڕهنگزهردی/
/ درهختان و/ ڕهشانگی/ بهفر و/ پرسهی/
/ كوێستان/ لهگهڵ/ خۆمدا/ دهبهم../
باران به باڵای شووشهییهوه
له دهرگام دهدا..
با له سیلهی پهرژینهوه
سهرهتاتكێم لهگهڵ دهكا
وهره تۆ خۆت لهباتی من دابنێ
ئهوه زوڵم نییه
باران
به گۆنای گهش و
چاوی ئهفسووناوییهوه
له تهنیایی و غهریبی منی دهكا؟
(20)
/ كه/ قووڵایی/ بزر/ دهكهین/
/ ژیانمان/
/ لێ/ دوور/ دهكهوێتهوه/
/ بهختیاریی/ به/ جۆگهی/ بریناندا/ دێ/ …/
/ بهختیاریی/ به/ شهقامی/ خهمدا/ دێ../
/ به/ گێژهنی/ شهپۆلان/ بهو/ ههستهی/
/ دوای/ سهمایهكی/ شێتانه/ له/ كێشانی/
/ جگهرهیهك/ دایه./
تاراوگه دوای تاراوگه
زستانگهلێكمان بڕی
ساڵههامان وهرسووڕاندهوه،
بههار ههر نههات.
تاراوگه بۆ تاراوگهی ناردین
لهڕێی وههمهكانی خوددا
بهرگی كۆیلهتیمان پۆشی.
شهومان
به ئهلهندی نهرمی
سپێده دادا
حهقیقهت ههڵنههات .
گیاگهلی بههاران دهركهوتن
ڕاستی دهرنهكهوت.
(21)
/ بیرهوهرییهكانمان/
/ له/ ئهشكهوت و/ دڕاڵهی/ شاخ/
/ بهجێهێشت./
/ له ئارهزووی/ ژیان/ گهڕێ/
/ كه/ له/ گوڵێك/ دهچێ/
/ بۆنی/ خاك/ دهدا./
/ له/ ئارهزووی/ ژیان/ گهڕێ/
/ كه/بهیداخی/ شهكاوهمانی/
/ به/ جهنگه/ بێهوودهكان/
/ نهوی/ كرد../
ههمبوو ، نهمبوو
دڵێكی ماندوو
ئهویشم بهمیحرابی تۆ سپارد.
ههستێكم ههبوو
له پرتهوی نیوهشهو ،
له پیاوێكی ساویلكه دهچوو،
ژنان ، زۆرجار
له كۆبوونهوه تهفرهدارهكانیان
ئامێزی بۆ دهكهنهوه ..
ئهویشم له تهنیشت ئهو نیگارانه ههڵواسی
منداڵان دهیكێشن.
لهبیرته؟
لهبیرته باسی ئهو ڕێیانهم بۆ دهكردی
به گۆرانی گیرابوون ..؟
باسی ئهو ئاوازانهی ،
له مێژووی
بزووتنهوهی ئازادیخوازی ڕۆحهوه دهرهێنرابوون
ئهوهی له دوا خوانی برایاندا نهگوترابوون؟
