عەلی حەمەڕەشید
شاعير ،سلێمانی
……………………..
ڕۆژی یەکی حـــوزەیران
لە سەرانســـەری جیھان
ئاھەنگــــە ،ڤیســـتیڤاڵە
جــەژنی ڕۆژی مــــنداڵە
ئێمەش لە کوردســـتاندا
لە شــار و لادێی جــواندا
بۆ خــــــۆشی ئەو ڕۆژەیە
دڵمان پــڕ لە خــــۆزگەیە
ڕومــان دەگەشـــــــێتەوە
دەڵێین بەخــــــێربێتەوە
بە ھـاتنی ئــەو جـــــەژنە
ڕازاوە و ھەمە چــــــەشنە
ھــەتا بڵێی دڵخـــــــۆشین
کاڵای جوان جوان دەپۆشین
دەم بـەقـاقـا و پێکــــەنین
بەچەپڵە و بــە ئافـــەرین
دەکـــــــەوینە گــــۆرانی
بۆ جەژن و شــــادمــــانی
بۆ ئاشتی وگوڵ و بەھــــار
بۆ کوردســـتانی نـــــازدار
…
٩/٤/٢٠٠١
