وهرگێڕان : حهسهن سلێڤانهیى
نڤیسەر، دھۆک
…………………………..
بهلێ ! ئهز ههلبهستڤانم و لسهر گۆڕێ من
پاكیزه دێ بهلگێن گولا رهشینن و
زهلام كولیلكێن ئاسێ
بهرى شهڤ ، رۆژێ ب شیرێ خوه یێ تارى سهرژێ بكت .
عهجێبیا من ! نه ئهڤه حهزا منه و
نه حهزا تهیه ژى ، دا نههێلى ،
عهدهتەکێ دێرینه ، دێرینه .
ئو چهند سترانبیژ ل ڤێرى َمن دیتینه ،
بو خوه دناڤ وان ژۆرێن تارى دا جهى دگرن
كو كهس نه خهوا وان ، نه سترانا وان ، تێكنادت .
ئو چهند سرودبێژ ، سرودێن وان ژ یێن من
خوهشتر و نازكتر بوون .
ئو چهند ههلبهستڤانان نوكه
ب بێهنا گولێن خوه
جوانیا من یا پێلێ چو تێنههێلاى
ل پشت خوه هێلاینه .
لێ ئهز ههلبهستڤانم و لسهر گۆڕ ێ من
دێ زهلام بهلگێن گولێن خوه رهشینن
بهرى شهڤ ، روناهیێ ، ب شیرێ خوه یێ شین سهرژێ بكت .
” رانا ، نه ژبهر هندێ یه ، چونكى ل بلنداهیان
سترانا من ڤهدگێرن ،
یان چونكى ئاوازا وێ ، ژئاوازا ههمى سترانان خوهشتره ،
لێ چونكى ئهز ل ڤێرێ ههلبهستڤانهكم
ژ ژیانێ ڤهدخوت
كا چاوا خهلك مهیێ ڤهدخون ”
- سترانهك –
ئهز حهز ژ خهونا ته دكم و
ب نزمى بهرێخوه ددم ههر عشقهكا پیس
ئهز حهز ژ باى دكم و
هاژ خوه دبم
تنێ خهونن راستیێ دبێژن
ئو ئهز د خهونێ دا دهێم با ته
- سترانهكا شهڤێ –
ب مهرهق ، ته ، ههردو لێڤێن من ماچى كربوون ،
چو ههوجهى لهزێ نه بوو ،
ئهرێ ما دهمێ ئێڤار هاتى ، تو نه یێ بهرههڤ بووى ؟ چو ههوجهى لهزێ نه بوو ،
شهڤ ههمى لبهر ته بوو ، ههمى شهڤ ،
هو دهلالێ دلى ،
ئو د شهڤهكا ئهڤینێ دا ،
مرۆڤ دكارت گهلهك ماچان ب چنت .
- پان مر –
” پان مر .. پانێ خودان شكۆ مرییه
ئااه پاكیزهینو ، سهرێن خوه ب چهمینن و
شاشا گولا بۆ ب ڤههینن ”
- كهڤال –
ههردو چاڤێن ڤێ خانما مرى ، د گهل من دئاخڤن،
هند عشق تێدادژیا ، كو نهدبوو ب خهندقت ،
ئو دناڤ دا شههوهتهك ههبوو ،
ماچان نه دكارین ڤهرهڤینن
ههردو چاڤێن ڤێ خانما مرى ، دگهل من دئاخڤن .
- قفل –
هو سرودێن من
چما ب ڤێ ههمى خهریبى یێ و
ب ڤێ ههمى مهندههوشى یێ ، بهرێ خوه ددن ناڤچاڤێن خهلكێ ؟
وه ل بهره ئهو خوهشتڤیێن وه ژ دهست داین ، دناڤ واندا ببینن؟
ANGLICE REEDITA
خانما من ، ل ههر وارهكێ دوور بم
ئهزێ وهستیاى ژ وهغهرێ
دهما بێهنا ریحانێ دفیرهت دێ رهزامهندیا ته وهرگرم
هو خانما مینا رۆژێ گهش
رهزامهندیا ته وهردگرم و
گولێن خوه لبهر پێن ته ددهینم .
- بۆ مهدام لولانێ –
دێ مهندههوش مینى ، چونكى كالهكێ ههشتێ سالى
هێژ دشێت ههلبهستان ب ته بنڤێست .
گیا لبن قهریسێ شین دبت ،
ئو سترانێن چوچكان ههتا دووماهیا سالێ درێژ دبن !
ئو تیبولوس دكاره لسهر مرنا خوه
د لاتینییا خوهیا رهوابێژدا ، بێژه :
” دیلیا ، ئو ئهز لبهر مرنێ ، حهز دكم تێر ل ته بنێڕم. ”
ئو دیلیا ب خوه یا ل وهریانێ دنێڕت و جوانیا خوه ژى ژبیركریه .
- بێزارى –
دهمێ تو بهلگێن مێوان دكى ، گوهداریا سترانا من بكه :
” رۆژهك بتنێ بێى وى ، بهرامبهرى سێ ههیڤانه ”
دهمێ تو دارستانێن باشوور تازى دكى : گوهداریا سترانامن بكه :
”رۆژهك بتنێ بێى وى ، بهرامبهرى سێ وهرزێن پاییزێ نه ” .
ئو تو گیایێ درێژ د درویێ، گوهداریا سترانا من بكه :
” رۆژهك بتنێ بێى وى ، بهرامبهرى سێ سالانه ” .
……………………………….
سەرۆکی لقی دھۆکی نووسەرانی کورد
__________________________
• من ئهڤ نهه ههلبهسته ژ پهرتوكا – إزرا باوند – مختارات من القصائد- ژ وهرگێرانا – حسن حلمی –المركز القومی للترجمه ، القاهره – 2016 ، ژ ئهرهبى وهرگێراینه سهر زمانێ كورد
