ئارام دھۆکی
نووسەر، کەنەدا
……………….
بەری چەند روژان روشنبیر و نڤێسەر و خرڤەکەرێ دیروک و دۆکومەنتاریا باژێرێ دهوکێ کاک شڤان توفیق چوو بەر دلوڤانیا خودێ پشتی شەرەک د ژوار د گەل نەخوشیەک کوشندە کری. ژ بلی کو ئەم ژ خودێ دخازین جهێ وی ببە بەهشت، ئەم ژ هەژی د بینین هنەک پەسنا کاریگەریا وی یا روشنبیری بکەین کو بزەلالی و بێ بیرکرن د لا و بووچوونێت سیاسی و جڤاکی و …هتد لسەر ئینانا پێشا دیروک و دوکومەنتێت باژێرێ دهوکێ و ئێخستین بەر چاڤ و گوهێن هەموو خەلکێ کوردستانێ و دەڤەرا بادینان بتایبەتی. رەحمەتی شڤانی چەندین قوناغ دەرباسکرن هەتا بەرهەمەک پاک و تەمیز د گەل کومەکا دیا هونەرمەند و ئەکادیمیا شیا کلیپا سەرنج راکێشا (دهوکیو لبیرا تەیە) بینیتە سەر شاشێن گەلەک تەلەفزیون و رادیو و یوتوب….هتد. هەلبەت ئەڤ کارە نە ژ پێنگاڤەکێ و دووان پێکدهات، بەلکو چەندین قوناغ بوون و بسالان ڤەکێشا هەتا ئینای بەرهەم ئانین. ئەو ژی ژ خرڤەکرنا هەموو وێنە و دوکومەنتێت سالێن ٥٠ یان و هەتا دیماهیا ٨٠ یان وەک جهو، کەساتیێن ناسیار و ناڤدار ژ هەموو تەخ و چینا و دیڤدا لێکدانا ڤان هەموو پەیڤان مینا هەلبەستەک هەستیار و دیدڤدا ئاواز دانان و کرنە کلیپ ئەڤ هەموو قوناغە گەر کەساتیەکێ خودان بێن فرەهو و خودان سوز نەبا مینا رەحمەتی شڤانی دبیت قوناغەک یان دوو بتنێ برێڤە چووبان و ئێدی راوەستیا بان. لێ بڤی ئاوای ئەڤی بەرێزی شیا دل و هەستا هەر دهوکیەکی بخو راکێشیت ببیتە خوشتڤیەک لدەف هەموو چین و تەخێن جڤاکی.
ژ هەژیە بێژین دەما بەرژوەندی و توخیب و ئاستەنگێن بیروکێن سیاسی کەسانەک شیا ببریت و ئارماج ببیت خاک و جڤاک و دیروک لوی دەمی ئەو کەس دبیت ستێرەک زەلال لهنداڤی ئەسمانێ گەلێ خو و هەموو وەلاتی مینا کورێ خۆ لێ دنێرن و رێزێ ل کەد و بیروکا وی دگرن. لەوان ژی رەحمەتی بۆ لایەنێن سیاسی و تەخێن جڤاکی ببوو کەساتیەک قەبولکری و دلێ هەموویان مینا ئێک هات ئێشان و ئازاردان دەمێ نووچەیێ مرنا هاتی بەلاڤکرن. ئەم بهیڤینە کەساتیێن وەسا ل هەموو سازی و بگەهێن روشنبیری رێز ل کەدا وەرە گرتن و نەمازە ل ناڤ تەخا نڤێسەرێن دیاسپورا داکو ئاگەهیا مە هەموویان ژ هەڤ هەبە دەست و پێنووسێت ببن یەک و کەسانێن مینا شڤان توفیقی د ناڤ کومەلگەها مەدا زێدەبن و ئارمانج ببە گەل و نشتیمان و خاک.
