سینەمخان جەلادەت عالی بەدرخان
ھەولێر
…………..
لە گەشتە درێژەکەمدا لەم ژیانەدا، بە چەندین وێستگەیەکدا تێپەڕیوم و خەڵکانێکم لە هەموو بەشەکانی جیهانەوە ناسیوە. چەندین بارودۆخم لەگەڵ تاکەکان و گرووپەکان و پارتەکاندا ئەزموون کردووە و لەگەڵیان ژیاوم. هەمیشە هەوڵم داوە پارێزگاری لە ناو و ناوبانگ و مێژووی بنەماڵەکەم بکەم. بە سەختی کارم کرد بۆ پاراستنی میراتەکە و ئەو کەلەپوورەی کە پێم سپێرراوە، و بەڵێنم بە خۆم داوە کە ئەم میراتە و ئەو ڕاسپاردە و “ئەمانەت”ـەی پێم سپێردراوە بپارێزم.
قەدەر وای برد کە پیاوێکی مەرد و خاوەن قسە و پرەنسیپ بناسم، کە بوو بە باشترین کۆڵەکە و پشتیوانی بۆ پاراستنی میراتی بنەماڵە، و هەموو وزە و کات و پارەی خۆی بەشداریی کرد بۆ ڕاگرتنی ناوی بەدرخان بە بەرزی و درەوشاوەیی. ئەم پیاوە (حەمید بەدرخان)ـە.
من حەمید بەدرخانم دوای ڕووخانی ڕژێم لە ساڵی ٢٠٠٣ لە بەغدا ناسی، کاتێک سەردانی منی و هاوسەری کۆچکردووم (سەلاح سەعدوڵڵا)ی کرد لە ماڵەکەمان.
لە یەکەم ساتی ئەم دیدارەوە، هەستم بە نیشتمانپەروەریی حەمید و خۆشەویستیەکەی بۆ کوردستان و گەلی کوردستان کرد. هەروەها هەستم بە شەیدایی گەورەی بۆ بنەماڵەی بەدرخان کرد، لەسەر ڕۆڵی بەرچاویان لە بزووتنەوەی نەتەوەیی و ئەدەبی و ڕۆشنبیریدا لە کوردستاندا.
حەمید ڕۆژنامەی “بەدرخان”ی نیشاندام کە لە هەولێر بڵاوی دەکاتەوە و نوسخەگەلێکی ئەو ڕۆژنامەیەی پێدام.
پەیوەندیم لەگەڵ حەمید لە ڕێگەی فێستیڤاڵەکانی بەدرخانەوە بەردەوام بوو کە لە کوردستان و دەرەوە ڕێکی دەخست. من ئامادەی فێستیڤاڵی بەدرخان بووم لەگەڵی لە سلێمانی و لە بەرلین، ئەڵمانیا.
حەمید بووە ئەندامی بنەماڵەکەمان، و ناوی بنەماڵەکەی بە هەموو شایستەیی و لێهاتووییەوە هەڵگرت، لە ڕێگەی کارکردنی و دڵسۆزیی و لەخۆبردوویی و خەباتی بێوچانی لە پێناوی ناو و ناوبانگی بنەماڵەکە.
هەرگیز ئەو پشتیوانییە مەردانەیەی حەمید بەدرخان لەبیر ناکەم کاتێک هاوسەرەکەم، سەلاح سەعدوڵڵا، لە ساڵی ٢٠٠٧ کۆچی دوایی کرد نیشانی دا، کە بوو بە کۆڵەکەیەک و و پشتیوانییەکی گەورە و کوڕێکی دڵسۆز بۆم.
حەمید بەدرخان یەکێکە لەو پیاوانەی کە بۆ ئامانج و دۆزێک کار دەکەن. ئەو بە هەموو هەست‌ونەستیەوە کار دەکات، بەبێ ماندوویی یان شەکەتی، و تەنها لە خەمی بەدەستهێنانی ئامانج و مەبەستەکەی خۆیەتی، نەک بۆ شکۆمەندییەکی تاکەکەسی یان قازانجێکی ماددی، بەڵکو بۆ دۆزێک و پرەنسیپێک و لە پێناوی گەلەکەی، کە ژیانی خۆی بۆیان تەرخان کردووە.
هیوادارم ئەم دێڕانە ببنە شایەتێک بۆ مێژوو بۆ هەموو ئەوەی کە حەمید بەدرخان پێشکەشی کردووە، خەباتی بۆ کردووە و تێکۆشاوە بۆی.
لە لایەن بنەماڵەی بەدرخانەوە، سوپاس و پێزانینی دڵسۆزانەی خۆمی پێشکەش دەکەم بۆ ئەوەی پێی داوین و بەشداریکردنی لە ڕاگرتنی ناوی بەدرخان بەبەرزی بۆ هەمیشە.
کوڕەکەم! حەمید! هەموو خۆشەویستی و سوپاس و ستایشی من بۆ تۆ بێت.
دایکت
سینەم خان جەلادەت عالی بەدرخان
٢/٥/٢٠٢٥
