ژنێک ژیانم پێ دەناسێنێ
بێکەس حەمە قادر/ شاعیر/ هەولێر
.
جارى يهكهمينم بوو
باران ڕێگهم لێ بگۆڕێ
با له خۆیم دوور بخاتهوه
كاتێ با بێدهنگ دەبێ
ئهو ميهرهبانانه
دهستم دهگرێ
من له مێژه هيچ دهستێكى هێنده گهرمم
له دهستى خۆم دا نهدیوە
ئێستا من هيچم بهلاوه گرينگ نييه هيچ
دهڕۆم و سێبهرێكى ئاشنا لهگهلم دهڕوا
پێيهكانم له دووم نايهن
ئێواره رهنگى گۆڕاوه
ئهستێره له پانتايى ئاسماندا
جوانتر له خۆيان دهردهكهون
شار له شهوێكى تاريكى جوان
گهشتێكى دوور له خهياڵى مندا دهكات
ئێوارهيهكى درهنگ له مهستى خۆمدا
دهستم بۆ تهلهفۆنێكى ڕهنگ خۆلهمێشى برد
دهنگێكى گڕى پياوانه
وهڵامێكى پڕ له ڕقى دامهوه
ئهوشەوە ڕقم له دهستهكانم ههلگرت
بهيانيهك تيژ تيژ به كۆلانى ئێوەدا ڕهت بووم
كراسهكهم هێنده تهڕ ببوو
ددانهكانم دهلهرزين
ڵێوهكانم سڕسڕببوون و
روومەتەکانم خوێنيان تێزابوو
حهزم دهكرد ههميشه بێخهون بام
ههندێ جار مرۆڤ له بێ خهونیدا
له چاوى ژن دا نقوم دهبێ
بيرهوهرى له خۆى دوور دهخاتهوه
دهستهكانى ژن پڕن له گهوههر
من له دهمارهكانیەوە دهيناسم
له رۆيشتن و خهيالهكانى
له كاتى بارینی باراندا
لهمهستى دا من دهپارێزێ
ئهو تهمهنێكه له ڕهنگى باران
و درهخت ژيان دهناسێتهوه
مهركانهكان له توڕهيى با دهپارێزێ
تهمهنى من له مهرگ دوور دهخاتهوه و
بيرهوهرييهكانى من له ھزرمدا ڕهش دهكاتهوه
چهند منداڵ دهبمهوه
چهند له ناوى باران دهترسم
كه دهبارێ دهنگى مۆزيك بهرز دهبێتهوه
گهڵاكان تينوويهتيان به گريان دهشكێ
لقى دار سنهوبهرهكه كوڕبۆتهوه
له تهڕبووندا سهوز سهوز خۆى نيشان دهدا
من نهرم نهرم ناوت له شهوى تاريكدا
به باران دهسپێرم
سێبهرهكهت گهوره دهردهكهوێ
ئهژنۆكانم له نێو دهستهكانمدا بهند دهكهم
ئێستا ژنێك تهمهنى من درێژ دهكاتهوه
من خهون له خهوندا دهبينم
ئهو دهستهكانى من دهپارێزێ
ههميشه دهستهكانى ئهو كه له دهستمدا
گرێ دهدهم باران و ڕێگا و
ژيانم خۆشدهوێ
ئێستا من هيچم بهلاوه گرينگ نييه …هيچ
دهڕۆم و پێيهكانم له دوام نايهن
ئێواره رهنگى گۆڕاوه
ئهستێره له پانتايى ئاسمان
جوانتر له خۆيان دهردهكهون
شار له شهوێكى تاريكى جوان
گهشتێكى دوور له خهياڵى مندا دهكات
ئێوارهيهكى درهنگ له مهستى خۆمدا
ژنێك ژيانم پێ دهناسێنێ
ئهو لهسهروى عيشقهوه
له نێو دهستهكانى خۆى دهمپارێزى