ڕەنگدانەوەی نە بوونی (پەیوەندی جێگیر و پەیوەستی) لە تەمەنی مناڵیدا
ھبە فەیسەڵ/ نووسەر
بەڕێزان دەمەوێت لێرەوە بە چەند خاڵێک تیشک بخەمە سەر خاسییەتی ئەو مناڵانەی کە لە ژینگەی گونجاو و ژێر چاودێری تایبەت پەروەردە ناکرێن. ئەو منداڵانەی کە بە بوون یان نەبوونی دایک یان باوک هەست بە خۆشەویستی و نزیکی و جێگیری پەیوەندیی یە مرۆڤایەتییەکان ناکەن و ناژین.
بێ گومان هۆکارەکان گەلێکن و بە فەرامۆش کردنیان زۆر جار دەبنە هۆی بۆ دروست بوونی تاکی تووڕە و هەندێ جار شەڕەنگێز و تاوانکار.
لە خاسیەتی ئەو منداڵانە:
(یاخی/ سرک و سەرکێشن) بەجۆرێک ئامادەنین تەسلیمی هیچ ئایدیۆلۆجیا و کلتوور و ئاینێک ببن،
هۆگر نابن و زوو زوو دەگۆڕدرێن.
لەهەموو ژینگەیەک ناگونجێن. پەیوەندییە کۆمەڵایەتییەکانیان کەم و ناجێگیرن. ئارامیان کەمە و هەمیشە بەدوای ئاڵۆزیدا دەگەڕێن.
کاتێک لێیان نزیک دەبیتەوە دەبینی جەستەیان هەمووی دڕکە. یارمەتی، گرتنەخۆ و خۆشەویستی بێ بەرامبەریان پێ سەیرە، چونکە هەمیشە بەکار هێنراون و ئەوەی پێیان دراوە، بە بەرامبەر شتێکی تر بووە. هەر بۆیە ئەو دەستەی بە نەرمی بۆ یارمەتی بۆیان ڕادەکێشرێ، بە ئازار و خوێنەوە دەگەڕنرێتەوە. دەرهێنانی دڕکێک لە جەستەیان، دەبێتە شێواندن و رووت بوونەوەی ناخیان. مەهانەکانیان ئاشکرا دەبێ،
پیان وایە ئەوان خۆیان بەهێزترینن و پێویستیان بەهیچ هاوکارییەک نییە.
ژیری و توانای خۆیان لەسەروو هەموو کەسێکەوە دەبینن، بەڵام لەهەمان کاتدا پێویستی و ئارەزوویان بەهاوکاری خەڵکانی ترە.
متمانەیان بە بەرامبەر کەمە، چونکە جێهێشتنیان زۆر دیوە. جێ هێشتن لە دایک، باوک، لە کەس و هاوڕێ و سیستەم.
هەمیشە تینوی خۆشەویستین. خۆشەویستیەک بینین و بیستنن پیان وایە دەبێت ژیان لە شەو و ڕۆژێک دا بەویستی ئەوان بگۆڕدرێ.
سەڕەرای ئەم هەموو خاسیەتە نەویستراوانە و لە ئانجامی مامەڵەکردن لەگەڵیان و، گەر تەنها درزێکی بچوکیش بکەنەوە لە دەرگای ناخیان، سەرسامت دەکەن بە زیرەکی و میهرەبانی و بەهرەمەندیان. سەرنج ڕاکێشن و هەمیشە مەتەڵێکن ، هەڵهێنانیان ئاڵۆزە.
جا من لێرەوە ئەم بابەتە بە تایبەتی پێشکەش دەکەم بەو گەنج و لاوانەی کە خۆیان بە دڕندە ، شەڕەنگێز ، پەروەردەی سەر شەقام پێناسە دەکەن. پێشکەشە بە دڵی مناڵ و میهرەبان و سەرکێشیان. لێرەوە دەڵێم کە ئێوە هەڵە نین، ئێوە جیاواز نین، بەڵکوو بەرهەمی هەڵەی گەورەکان و تێنەگەیشتن و فەرامۆش کردنی کۆمەڵگەن.
لێیان دەپرسم… چی ئەبێ گەر بۆ یەکجاریش بێت وەک خۆت بیر نەکەیتەوە؟💜
هیوادارم ئێوەیش لێرەوە من و خوێنەران ئاشنا بکەن بەو نمونانەی لە رۆژانەتاندا دەیبینن……
#پەیوەستی
#پەروەردە
#کۆمەڵگا
#گەنج #دڕندە
#جەرگوجگەر
