لەساتەوەختێکدا دەژین تێکستەکان بەتەنیشتمانەوە دەمرن، زمانی ئێمە لەناو کتێبەکاندا نامێنێتەوە، کوردیی مرۆڤێکە خۆی دەدات بەدەست وێنە و وشەکان لەناویدا دەمرن، بیانوی بۆ تازەگەری کوشتنی نووسینە، درۆیەکی گەورەیە بڕوات وابێت هەموو دنیا وا بیر دەکاتەوە، وێنە چەندە وەک کولتورێک لەئێستادا دەبێتە پێویستیەکی دنیای تازەگەری، لەهەمان کاتدا کتێب نەک نامرێت بەلکو کتێب سود لەوێنە وەردەگرێت تا پەیوەندی خۆی فراوان بکات ئامێرەکانی وەکو کیندل و کۆبۆ کتێب دەکەن بە وێنە و کتێبخانەی ئەلکترۆنی بەهەزاران کتێب دەکات بە هاوسەفەرت، ئامێرێک تایبەت بێت بە کتێب، تا جگە لەخوێندنەوەی کتێب بۆ هیچیتری بەکار نەهێنیت، ئەوەش جیای دەکاتەوە لە تەلەفۆن و ئایپاد بۆ ئەوەی بە تۆری کۆمەلایەتیەوە خەریکت نەکات.

وێنە لەدنیای ئێمەدا هەموو شتێک زەوت دەکات، داماندەبرێت لەدنیا، تۆڕی کۆمەلایەتی لەبنەرەتدا تۆڕی گۆشەگیریی مرۆڤە، بەلام بە ئامێرەکەی دەستمان وێنەیەک پۆست دەکەین و لەلاپەرەکەمان بڵاوی دەکەینەوە تا دۆستەکانمان لایک و کۆمێنتمان بۆ بنوسن، تەنانەت نووسین گەر بە وێنەی خۆمانەوە نەبوو کەس بەلایدا ناچێت، بۆ ئەوەی ژمارەیەک لە دۆستەکانمان لایکمان بکەن وێنەیەکی خۆمانی لەگەل پۆست دەکەین، بەدلنیایی ئەویندارانی لایک بابەتەکە ناخوێننەوە هێندەی وێنەکەمانیان بە دلە.

بابەتەکە لەبنەرەتدا پەیوەستە بەوەی کولتوری وێنە بوو بە زمانی ئێمە، ئەگەر لەدنیادا زمانێکی گرنگ بێت، بەلام کتێب گرنگی زیاترە، چونکە بەشێکە لە ژیان، بەلام لای ئێمە وێنە بوو بە زمانی گشتی و کولتوری مرۆییمان، ئێمەی ناکۆمەلایەتی و کۆمەلایەتی لەتۆڕی کۆمەلایەتیدا