ڤیستەڤالا سەمایێ
ئیسماعیل سلێمان/ نڤیسکار/ دهۆک
بەری هەر گوتنەكێ سپاس بو بوردێ رێكخراوا سەما و سەرپەرشت و خوبەخش و سبۆنسەرێن ڤێ ڤیستەڤالا قەشەنگ.كوردستانا پارچەكری كرە ئێك پارچە.هند مێڤان داخوازكربوون ژ جهێن گەلەك دوورەدەست مینا گروپێ خورەسان.چەند ستێرێن گەش د موزیك و كەلتورێ كورداندا وەك ماموستا جوان حاجو ناسرێ رەزای دلشاد محمد سەعید حسم شەریف احمد كارێزی ژ مەریوان ژبلی یێن مە نەنیاسین.ئەو شەش پەنەلێن ل دانێ سپێدێ هاتینە گێران گەلەك سودبەخش بوون مە تازە چەندەك ژ كەلتورێ گوڤەندو دیلانێن بەشێن دی یێن كوردستانێ زانی.هەرچەند هەردوو كەسێن كور برێڤەدبرن من تێبیی هەبوو دوو كەسێن مەزاجی و دكتاتور بوون ب باشی رێ نەدا ئامادەیان تشتەكی بێژن تنێ رێ دا پسیاران و پپش وەخت مە زانی بەرسڤێن وان پرسێن مە دڤێن بكن لنك وان نینە چنكو دووری وان بابەتان بوون یێن مە پسیار ل سەر هەی .ئێك ژ وان پسیاران لنك ئەڤە بوو ئەرێ چما دیلانێن كورێن دەڤەرا بەهدینان و باكوور و ڕوژ ئاڤاوقەفقاسی پتر دیلانێن تبلانە و یێن دەڤەرێن سورانان و ڕوژ هەلات تنێ ب لنگا و سەبەتێ و مللان دكن،هەتا بیرا من دهێت سالێن هەشتیان چاخێ ئەم قوتابی ل بەغدا هەڤالەكی مەی سلێمانیێ یاریكەر وەك حەزورە گوت كی دزانت نوژدارێن زك و هناڤان ل سلێمانێی پترن ژ هەموو تابەتمەندیێن دیتر و ل دهوكێ دختورێن شكەستن و ژ جهچوون گەهان ل دهوكێ بترن مە بەرسڤ نزانی وی گوت ژ بەر گوڤەندێن سلێمانیێ ب مل و زكی دكن لێ دهوكێ ب تبلا دكن.ئەرێ دیسان دپرسم چما هەر چەندە ئەز دزانم گوڤەندێن مە یێن دەڤەرا هەكاریا و بوتان گرێدای پیشێ مەیە كو هەموو لڤینێن دەستان وەك پەز دوتنێ تەڤن و ریس رااچاندنێ پەز برینێ درونا نیسك و نوك و دەخل ق دانی. پرسا دن یا بێ بەرسڤ مای گەلو بوچی دڤێ ڤیستەڤالێ دا گوڤەندێن كوردی نەهاتنە پۆلیبكرن . چنكو كورد ژ هەموو مللەتێن ڕۆژ هەلات دەولەمەندترن ب كەلتورێ خوە ل گور گوتنا ڕوژهەلاتناسان ئوربیلی و یەكی دی یێ ئەرمن كو ناڤێ وی ناهێتە بیرا من.چنكو گوڤەندان چەند ژێدەر هەنە ئێك تقوسێن خودا پەرێسیێ و خوەزا و سڕوشت. ئەفسانە و داستانێن گەلێری.پیش و كارێن جڤاكێ مە.بێلوتە كو رەنگەكێ گوڤەندێن فەقیا نە.كەیف و شاهی.تراجیدی.مەنەلوج و سوخریەت.نێچیر و نێچیرڤانی. شەرو بێ تفاقیا مە ….هتد
ل داویان دبێژم كارەكی نایاب بوو دەستێن وان خوەش یێن پێ رابووین. یێن ئەڤ هڕرە كری یێن پشكدار بووین.
