Şeva,
Bi tîpên helbesta ronî bikin
Helbestên ku
Di çava de meyîne
Heyîv û perwîn,
Nêrînên benderwara
Dixwînin
Hinguvê dîdariyê dibarînin
Sema dildariyê li dardikeve
Nîgaş û sawîr diçûrisin.
Spêdeya ku,
Bi girinjîna dipişkuve
Çiya û deşt tîrêja dinoşin
Bahoza dadiqirtînin.
Sirûda şeyîda dijene.
Qelifên çivîkan,
Berive asoya difrin.
Pêriçemokên di bîranînan de
Hêlîn avakirine
Bi tîrêjên Newrozê re
Wenda dibin.
Serxweşiya xunca bikin
Bi meya dîdariyê
Bejina kûlîlka avdin.
Di Elenda cejina de,
Sirûda bixwînin
Fêrimskên bêdengiyê bibarînin.
Sêmfoniya Çema,
Tomarkin.
Şevbuhêrika ragihînin
Li ber tîşk û xetîrên berbangê
Helbestên li ser lêvên matimayî
binexişînin.
