عەلی حەمەڕەشید\سلێمانی
وا (بیرکاری ) مان ھەیە
لام خـــۆشترین وانەیە
زۆر حەز دەکــەم ڕۆژانە
بخــوێنم یەک دوو وانە
کـە مامۆستا ھـــاتە پۆل
وریا و ئازا و گورج و گۆڵ
دادەنیشم بــە چــــــاکی
تیا دەنــوێنم چــــــالاکی
من سەرنج دەدەم ھێواش
ھەتاکو تێ بگـــەم باش
لە ھەرچی نەگـــەیشتم
لە مامۆستا دەپـــــرسم
وەڵامــم دەداتــــــــەوە
بۆیشم ڕون دەکـــاتــەوە
ئەوساکە باش تێ دەگەم
منیش ســوپاسی دەکـەم
