بۆ هـەر لایێک دەچم جێــگای ژوانی چۆڵ و کـــۆنەبیــــنم
باخی وشــک و گوڵی سیـس و بێــڕەنگ و بێـبــــۆنەبیـــنم
نابینم تۆسقاڵێـــــک بـــــزە ، گوڵ تینــــووە ، ڕەنگی کـــــزە
باخـــــەوانی بێـــئـــــەزموون و توڕە و گرژو مـــۆنەبیــــنم
هەورێـــــک بێت لەلای کۆســـاران ، ببارێنــێ تــــاوەبـــاران
دەترسم بەچـــاوی جاران، گەشـــەو نەشەی چــــرۆ نەبیـنم
بۆیە ناشێت لەگەڵ عام بم، سەرهەڵگرتووی ڕێگای شـام بم
جیاواز دەڕوانم ، دەمـهـەوێ خــۆر لەسەر ئاســــۆ نەبیــــنم
چەند پەستم لە ویشکەسـاڵی، هەزار هێندەش، لەتۆی خاڵی
فڕێـــیدە بـــــەرگی ناحـاڵی ، با بــەم بــەرگە تــــۆ نەبیـــنم
هەستە لەخــــەو، تێبکـــۆشە ، پۆشاکی زانـین بپــــــــۆشە
تێیهەڵدە چاویلکەی دزێـو ، بڵی : من هەم ، بـــــۆ نەبیــــنم ؟
نەتــڕوخێــنێ تــانەو تەشــەر ، نەتلەرزێنێ زەڕیـــنی کــــەر
بڵێ : هــــۆ خەڵکی بێخەبــەر ، مــن ئازادم چــــۆنەبیــــــنم
٢٠٢٥-۱۱-۱۷ دووشەممە
