عەلی حەمەڕەشید
شاعير، سلێمانی
………………….
پەڵە ھــەورە سپییەکـان
ســــەرنجیان ڕاکێشاوم
وەک تابلۆ وان لە ئاسمان
زۆر جوانن لەبەر چــاوم
…
ئاواتە خــــوازم ڕۆژێک
باڵم ھەبێت بۆ فــــڕین
تا گەشتێکی خۆش بکەم
بۆ نێو ئاسمــانی بەرین
…
تا لەگەڵ ھـەوری جواندا
بە ئارەزووی خۆم بدوێم
بیکەم بە ھاوڕێی خۆم و
ڕازی دڵمـــــی پێ بڵێم
…
پێی دەڵێم ھاوڕێی ئازیز
لە ئاسمانی کوردسـتان
تابلۆکـــانت وەک کۆتر
بنەخشێنە بۆ ھەمــووان
…
پێیان بنوســـــە ئـاشتی
با دیـــاربێ لە ئاسمـاندا
دوایی وەک نمـەی باران
ببــارێ بەســــەرمــاندا
…
