عەلی حەمەڕەشید
شاعير، سلێمانی
………………
باخچــــەکەمان پڕ جوانییە
جێی خۆشیی و شادومـــانییە
بـــۆ ئێمەی بچکۆلە و گوڵڕو
بۆیــە ئازیزە لای ھەمــــوو
بۆ پەروەردە و بۆ فێرکــــردن
جێیەکـە پیرۆزە و مــــــەزن
بۆ یاری و بۆ سەمــا و وێنە
باخچەکـــەم باشترین شوێنە
مامۆستاکـــــان دڵسۆز دیارن
وەکـــــــو خۆری پرشنگدارن
بـــــۆ ئێمەی گوڵ تێدەکۆشن
نــــەرم ونیان و ڕوخـــۆشن
بەبوونی ئـــەوان ئاسـودەین
زۆر ھەست بە ئارامی دەکەین
باخچـــــەی ئێمە پڕ وێنەیە
بۆ ئێمــەی جــــوان ئاوێنەیە
باخچـــــــەی ئێمــە ڕازاوەیە
بۆ زانیـــاری سەرچــــــاوەیە
