تەحسین شێخ ئەحمەد
شاعیر سلێمانی
………………..
شیعر لە پەلەپەلدا دڵی جێ دەمێنی
ماچێک هەرلەناو گۆرانییەکدا دەمینێتەوە
من بەدوای خۆمدا دەگەڕێم
تۆ لەدواهەمین خەیاڵی سەرمدا
تاوێک دەبێت بەگۆرانی و
تاوێک دەبێت بەچێرۆکێکی سەوز و
تاوێک دەبێتە قافییەی شیعرێک
دواجار دەبێتە نیشتیمانە تاقانەکەی دڵی من و
لەناو مندا دەبێتە چەن پەپولەیەکی شیعر
شین بوونت باش
عەسرە شیعری ماچیکت باش
من دەمەوێت
تۆ نیشتیمان ئالێرەبن
ئالێرە گۆرانی ڕاژەنن
ختوکەی پیاوێک بەن
کە هەم گۆرانی و
هەم ماچ و
هەم شیعرو
سەدان وردە ماچ
بە لێوی دڵی ئەوەوە جێماون
