بەشدار سامی
…………………..
زۆر شت هه‌ن ده‌مه‌وێت پێتی بڵێم
کچکەم
من باوکتم، زۆرم خۆش دەوێی
بەڵام ڕه‌نگه ڕۆژێك
له بری ئه‌وه‌ی بتبه‌م بۆ ته‌ماشاكردنی شار و
گه‌ڕان به‌ناو باخچه‌كاندا
له ماڵه‌وه،
باسی وێرانبوونی زه‌وی و
تاریكبوونی ژیانت بۆ بكه‌م.
حه‌زناكه‌م ئه‌و ڕۆژه‌ی وه‌ك باوكێك ئه‌مرت پێ ده‌كه‌م
له ماڵه‌وه دابنیشی، تا باسی وێرانبوونی زه‌وی و
تاریكبوونی ژیانت بۆ بكه‌م
ئازار بكێشی.
حه‌زناكه‌م كه باسی وێرانبوونی زه‌وی و
تاریكبوونی ژیان دەبیستی
دڵت بشکێ و کێکەکەت نەخۆیت
کچەکەم، ئەوشەوەی تۆ لەدایکبوویت
خۆزگە دەتبینی، لە خۆشیان
بە غاردان
خواردنم بۆ پۆلیسەکانی بەردەم نەخۆشخانەکە هێنا
خۆزگە دەتبینی چۆن ڕام دەکرد
كچه‌كه‌م
من, باوكتم
ویستم باوكێكی باشبم.
٢٠١١
