پاشا
سەلام عومەر
شاعیر، سلێمانی
ئەو كەسەی درەختی ئازادی دەبڕێ
رۆژێك دێ تەورێك ورگی بدڕێنێ
باڵندەیەكیش فێرە قەفەس بێ
هیچ كەس ناتوانێ هەڵیفڕێنێ
******
پاشایەك رەزی خۆی پێ ئاو نەدرێ
وەك چرای بەرخۆر كز كز دەنوێنێ
نزاو لایلایەی لەلای خەڵكەكەی
وەك ئەوە وایە منداڵ بنوێنێ
*****
كەی باڵندەكان بوونە خاوەنی
درەخت و دان و هێلانەی خۆیان
ئەوكات دڵنیام جووتیارەكانمان
بەدەستی خۆیان دان دەبەن بۆيان
