دوو کورتە شيعر
د. شادان عەلی
نووسەر و هونەرمەند،
سلێمانی
(١)
وتی کچی جوان
تۆو نێرگزو کوردستان
وەکو یەک جوانن
تۆ بە چاوت
نێرگز بە بۆنی
کوردستانیش بەقەندیل و هەڵشۆو چیاکانی
(٢)
هێشتا زەوی تێر باران نەبوو
کاروانێک بەدوای شوێنەوارێکدا دەگەڕان
منیش لە لاچەپی کارێزەکە دانیشتم و
گوێم لە شالورە ڕەشە گرتبوو
لەپشت گوڵە ئەرخەوانەکانەوە
دوو پەپوولەی باڵشین سەماییان بۆ دەکردم
چەند بەچێژبوون ئەو دیمەنە
خوڕەی ئاویش ئاوازێکی جوانی دەژەنی و
یادەوەری بەجێ هێشتبوو
