دەریـــــا قـادر خۆشــناو
نووسەر و شــاعیر
جــەژن نـــاکەم
تا نەیـبیـنـێت وڵاتم،
بەری درەختی ئـازادی!
جــەژن نـــاکەم
تا نەیـشـێوێـنـێ پێنووسـم
چوار خەت سنووری نەخشەی دەستکرد و
مێژووی پڕ لە نادادی!
جــەژن نـــاکەم
تا نەیـگێـڕێت هۆز و گەلم
کەرنەڤاڵی سەربەستی،
ئەوسا دەروونی کەیلم
ئەکا بەدڵ مەیلی شادی!
جــەژن نـــاکەم
تا نەڕوێ لە جێژووانی خەم
گوڵاڵەی سووری خوێنین
سومبولی ئەوین و داخوازی!
جــەژن نـــاکەم
تا نەیسـڕێت دایکی شەهیدم
فرمێسکی ڕوونی چاوەڕوانی و
شەیدابوون و شانازی!
جــەژن نـــاکەم
تا هەڵـنێت لەنیشتیمانم گزنگی خۆر
تا ســاڕێژنەبێت زامی قووڵی تەم و ناســۆر
کە من خــوولیای بۆنی خــاکم
با دابارێ بەســـەر ڕۆحـــما
نم نم ڕاز و نیـــازی!
نەرویــج
٤/٤/٢٠٢٤
…………………….
