بهسه ئیدی…
ڕاژان حيسامی
نووسەر و گۆرانيبێژ
تاران
ههتا ئهوڕۆ من پێموابوو
دڵسپاردن
لهخۆبواردن
بێقهراری
تاسهباری
نهحهجمینی ههموو شهوێ
ههدانهدانی ڕۆژانه
تهنانهت لهبیر بردنهوهی خۆشم
فیدا کردنی عهقڵ و ئاوهز، هۆشم
گێژی له ناو دڵی چرکهکانا
لهبیر کردنی چی خۆشی
تهنانهت گهرد و نهخۆشی
پیاسه له شهقامی بێکۆتایی
دهیان فکری پووچ و ئاڵۆز و ڕاڕایی
هێندێ جار بێزار له دهنگی چرپهچرپی جۆگه و ئاوێ
یان له جووڵهی ئهو ماسیلکهی خۆی ههڵداوێ
جاری واش له بزهی مناڵم له نێو ماڵێ
یان دینی ئهو شۆخهی بهناز حهوشهی ڕادهماڵێ
تهنانهت له دیوانی شێعرهکانی پڕ دهرد و داخی وهفایی
که پڕپڕن له عهشق و سۆز، بێوهفایی
یان له ههستی بهرزی نالی
که گشت جارێ به بیستنی دڵ دهناڵی
له سهعدی، حافز ، یا مهولانا
بهڵام نانا
له شێرکۆ و پهشێو و گۆران
ئهوانهی زیزن ، دهتۆران
تووڕه بوون له ئاڵوگۆڕی ههموو دهوران
به گشتی گێژبوون له ناو گێژهنی ئهم شهپۆلانه
بۆ بیستنی تهنیا یهک وشه
یهک وشه له چهشنی گیانه جیهانهکهم
گیانهکهم گیانه
گیانهکهم! له دهم ورمی ههناسهی ئهو کهسهی که پێموابوو بارتهقای ههمووی ژیانه
که پێموابوو گیانه
بیربهرهوهی داخ و خهمی ههرچی ئازاری جیهانه
تهعبیری گشت خهونهکانه
ئهمنییهتی ئهو کۆترهیه
که ڕادهکا له دهست باشووی دزێوی زهمانه
که پێموابوو بیستنی ئهم چهند واژانه
ئهزیزیهکهم
ههناسهکهم
خۆشهویستم
گوڵم
دڵم
من پێموابوو ئهم واژانه تهواوکهری تامی ژیانه
له کاتی بهڵا و ڕووداوێ
له سامی شهپۆلی بڕخۆف و تۆفی سێڵاوێ
پارێزهره
گارانتی ههرمانه گیانه
من پێموابوو ناوی عهشق، ناوی ئهوین
ئاواتی بهرزی ههرمانه
تهبهڕوکه
عێبادهته
قێدیس و پڕتهقهدوسه
بهڵام نه
ئهمانه گشتی قسهن
گشتی قسهن
گشتی قسه
ئیتر له ههرچی ئهوینه
ههرچی بۆنی دڵدارییه
ههرچی واژهی خۆشهویسی مانا دهدا و قهد وانییه
حاشا .
حاشا تازه به نییهتی عهشق و ئهوین
به نییهتی خۆشهویسی
به ئامانجی کهسێ ویستی
قهڵهم به کاغهزدا بێنم
چرکهچرکهی ئارامیی و هێمنایهتیم بۆ هیچ عهشقێ بشێوێنم
ئیدی چیدی
بهستهی نهبهستراوی شاههڵۆیهکهی جارانیش
ناییته نێو ههڵبهستمهوه
وهها گوستی حهسرهتی ڕابردووی خۆمم گهست
خوێن دهتکێ له ناو قامک و له ناوی لپی دهستمهوه
ڕۆحی ماندووم وهها هیلاکی تاقه قومێک ئارامییه
تاڵاوی ژاری بێوهفایی پێ چشاندووم
که ئارامم نییه و ئارام نییه
لهوه بهدوا ههست و ئێحساسی ئاشقیم،
دهفتهر، نامهکانی حهزی ئێستاش و ڕابردووم
له گۆڕستانی خامۆشی فهرامۆشی
به دهستی خهستهم دهنێژم
شهرته یهک وشهی دڵداریش
ههرگیز ههرگیز
نه بینووسم
نه بیبێژم
لهوه بهدوا ئهوینی من
حهز و تاسهی بهتینی من
تاقه غونچهی ژیانمه،
نیلراممه
لهوه بهدوا ئهوینی من
قیبله و ڕووگهی ئایینی من
زیکر و فیکر و یهقینی من
شێعر و دهفتهر، شعووری من
وتهی نزیک و دووری من
نیشتمانه
نیشتمانه
بهڵێ گیانه
لهوه بهدوا ئهوینی من نیشتمانه