ماڵ ئاوایی
د.مستەفا زەنگنە/ مامۆستای زانکۆ و نووسەر/ هەولێر
٨ -٣-۲۰۲٥
لە پاش مەرگت ئەم ژیانە
دۆزەخـــــــێکی داخــراوە
یاســـــــاوڵی خەم هێنانی
لەبــەر دەرگا ڕاوەســـتاوە
هەست و بیریش هەموو کاتێ
خوم دەپۆشن بۆگوڵەی من
ڕووناکییەک بـــەدی ناکات
سەبووری بات بەم دڵەی من
ماڵ ئاواییت بەجۆرێک بوو
پێوەم دیارە پیری کــردووم
هەناسەکەم دێت و دەڕوات
هــەر ئەوەیە کە نەمردووم
من ئێستاکێ بەحەسرەت و
بـــــە ئــاگــاوە بــڕوام وایـــە
مـاڵ ئاوایـی لەم خومخانــە
باشـتریـن دیـاریی خـــودایە
