وردە شیعر
ڕووناک ئاڵتون/شاعیر/ سلێمانی
ڕاست وچەپیان دیل کردووم
فریشتەی چاکەو خراپەن
گوارەکانم!
دەستەو نەزەری ھەورێک دەبم
تا…ھاوینیش لەسەربانی ئێوە
نم ،نم بمبارێنێ
خۆری نامەکەت
دەمسوتێنێ ..
سەردێڕی کەش و ھەوا
پێم وت : پیاوێکی ئازادیخوازە
خێرا قەفەزی سینەی شکاند
مەلی دڵ !
لەوەتەی گەردی گەردانەکەمی دیووە
دەزانێ چەندە
بێ
گە
ر
د
م !
(جۆ)،ش بدورێتەوە
(گەنم)یش گوڵ بکات
من ھەر گوڵی خەرمانی ئەوم !
٢٧\٢\٢٠٢٥
