دوورن، تابڵێی دوورن
ئیسماعیل بەرزنجی/ شاعیر/ هەولێر
من دوو چاوی هەقیقیم
نایان بینێت
بەڵام چاوی خەیاڵ
چاوی ژیان و مانەوەم
دەیان بینێت
دەزانم ئێستا بەفر
هەمووی داپۆشیون
بەڵام چاوی خەیاڵم
بنەوەم پیشان دەدات
کەوری بەررۆژ دەبینم
کە چۆن کەوەکانی لە هەناودا
شاردوونەتەوە
بەردی مام سەید دەبینم
هەرچی فەرخە کێروشکە
لە بنی بنەوە بە چروو
دایپۆشیون
گۆڕەمیر دەبینم
نێرگز دەلاوێێتەوەو
مژدەی بەهاری دەداتێ
ژوورە تەنهاکەی چارانی خۆم
دەبینم
وا پاڵم داوەتەوە
تەنیا کتێبێک و بالیفێک
هاودەممن
بەفر
ناتوانێت رێگا لەچاوی خەیاڵم
بگرێت
روحی نیوەشەو دەبینم
کەچۆن تەعبیر
لە بێداری و بێزاری دەکات
بەفر راستە عەیبەکانی خاک
دادەپۆشێت
بەڵام جارجار دڕندەشە
