پەیڤکاتۆر
بەفرین شەرەفکەندی/ نووسەر/ مەھاباد
ڕوحی دەرچوو خەڵات کرا.
داوای ناسنامەیان لێ کرد زمانی دەرهێنا!بۆ گەدەی خاڵی؛ گورچیلەی دانا.
بەهارێک لەدایک بوو بە کاتی کۆچی پاییز!
ڕچەشکێنی هەڵگوردە، ئاڵا.
لە ژێر نیگای شەڕڤانت، ئاڵای سپیم هەڵدا.
لە چاوەڕوانی بارین، هەتاوم لێ بزر بوو.
مێشکی قەڵەمی خوارد وشە.
لێوی هەواڵ خەڵتانی خوێنە.
خه‌رمان، سه‌ری هاوینی سووک کرد.
لەبەر چاوی ڕەزا سووکە!
بۆنی ژوانی لێدێ سێوی مێخەکڕێژ.
خەجاڵەت دەکێشێ، تەرازوو.
برسی بوو، خەمی خوارد.
دارایەکی سواڵکەرە لە دەرگای ئەوین.من خەم دەخۆم و کتێبەکانم خۆڵ!بەسەربەستی، سەری هەڵدا.قوڕقووڕۆچکەی “خۆشی” خوارد خەم.لە توونیان خنکا؛ گۆلی ورمێ!
نازی کێشا پێی سووک بوو.
دڵی گیرا، قەباڵەیان بۆ دانا!
دەسنوێژم هەڵگرت، نێوکم کەوت!
دڵی تەڕ بوو، هەڵیانخست!
گیڕفانی خاڵی، سەد سەودای لەسەر دایە!
ڕێکەوت، مێژوو دەقرتێنێت.
گوێی ئاسمان کەڕ دەکات، بێدەنگیت!هەژار تێرە لە برسیایەتی!
نەیخوێند، نووکی قەڵەمی کول بوو!خاڵت، خوێ بە برین دادەکات.
دڵی هێشا، ڕێی نەخۆشخانەیان پێشان دا!
ڕووی قژی سپی کرد، خەم.چرکەساتەکان؛
دەمنێژن لە چاوەڕوانیدا!
زایەڵەی بێدەنگیت، دەنگ دەداتەوە!فرمێسک؛ دەبژێرێ هەنیسکم!
کاتژمێر، پێڵاوەکانی ڕێکەوت جووت دەکات!
ماڵی دڵم بوو، ڕووخا.سەرم دەخورا؛ خواردیان.قسەم پێ بوو، کڕیان.بیرت؛ ئۆقرەی هەڵگرتووە لەخەو!
نانی بڕی بۆ ئازادی!بەقەرا مووی سەری شیرنە؛ تاس.قەرزداری کردم؛ قەرزکوێر.بۆتە گڵکۆی ئاوات؛ کانگای دڵ.سەری قەڵەمی تاشی ڕستە. سەر لە پێناوە هەنگاو، شەقام خوێنپرژێن دەکات. پرچی داری هەڵپاچی، پاییز.ڕەگی مەودای داکوتا سنوور.
لە سنووری چاوان؛ قاچاغە خشپەی پێی ڕامیار.
ڕووی قەندیل سوور بوو بە گڕی هەڵمەت.
سوێندی خوارد، سکی چوو.
هەتا ڕۆژ خەوی تاودا شۆڕەسوارێک. قاسپەی لە کەو بڕی نەچیرڤان.
بەژنی لێوان دەپێوێ؛ ماچ.
شەوەزەنگ دەبەزێنێ مانگی ڕووت. هەتاوی کزی پاییز، بێ تاوان لەسێدارە درا!
سترانی خەم دەچڕێنێ؛ گوڵبزەی لێوت. سوێندی خوارد، سکی چوو.
وەک خەزان هەڵوەری هیوای پیرەدارێک.
ژیان بەدەستی ماڵپەڕەکان قۆڵبەست کرا.
زەکاتی پێ دەشێ هەژار لە خەرمانی قوڵکەی گۆنات!
پرخەی دەهات نەیدیت بە خەونیش ئازادی!
لەسەرگەردوون داکیل کرا بەفر.
سەر لە پێناوە هەنگاو، شەقام خوێنپرژێن دەکات.
دەستم نەگەیشتە باڵای کەوتم. توونیایەتی لێومی شکاند فرمێسک. چوومە سەر کانی چاوەکانی کوێر بوون.
لێرە زیندەبەچاڵ دەکرێ ئاوات
