سوارێ ھەسپێ کمێت
مەحفوز مایی/ شاعیر/ دهۆک
ئەز سوارم سوار
ئەڤ ھەسپێ ئەز لێ سوار
کمێت و بارگیرێ ژیانێ یە.
ھون چ بکەن ئەز پەیا نابم
دپاشەزینکا ھەسپێ من دا
نان ھەیە نان
ئەز سوارم سوار
خلفا ل گەردەنا من
چەندێ بشێی ڕاکێشە
گەردەنا من فێری خلفانە
گەلەک گەردەن
ژگەردەنا من دەلال و جوانتر
وە دخلفان دا ھەلاویستن
لێ سوارێت مە ھەر مان سوار
دپاشەزینکا ھەسپێ من دا
ئاخ ھەیە ئاخ
چەندی خلفا ل گەردەنا من بشدینی
ئەڤ ھەسپە
دژوارتر ل سەر ڤێ ئاخێ دلەیزیت
دبەرخوەدانەک بێ وێنەدا دشەھیت
ئەز سوارم و قەت پەیا نابم
١٨-٢-٢٠٢٥
پێشکێشە بۆ جوتیارێ کەرکووکێ
