بەرد
فەرهاد کەریم/ شاعیر ئەمەریکا
لە شەڕ گۆڕێک هەڵکەنە
گۆڕ ئارامە بۆ سەیرکردنی دەرەوە
دەرەوە پڕە لە ئاسمانی بچووک
پڕە لە ترسی گەورە
لە فرمێسکی شکاو
لە خەندەی دڕاو
لە خودای زۆرو
تاریکە ڕۆژ
فێرە زمانی مردنبە نەتکوژێ ژیان
ژیان برینێکی قووڵە
برینت پیشان مەدە
گریانت بشارەوە
ئاگات لە ژان و مردن بێ
زەوی شمشێرێکی گەورە و تیژە
لێیدەتکێ خوا
بوونەوەری شەو
سێبەری کورت
سێو نەبوو
گۆڕ خوا
——
ژیان تژییە لە سۆزی وشک
لە باوەشی سارد
ناگەمە ئەو دیو
مرۆڤە دیوار
هەناسەی مردن
دەمامکی ژیان
گۆڕ ئاسمانی بچووک
تاریک گۆڕ
مرد ئاسمان
——
زەوی گۆڕێکی گەورەیە
جێی قاچ درێژ کردن و
دەست بەرزکردنەوەی لێنابتەوە بۆ ژیان
لە ناوەوە کوژراوی
گۆڕی وەک مرۆڤ
لە بەردیش گۆر هەڵدەکەنێ
مردووی وەک ژیان
بەردی بچووک
گۆڕی گەورە مرۆڤ
زەوی گۆڕێکی جوانە
بۆ رۆژ باش و شەو شاد
لە ژیان و مردن
لە بوونەوەری تاریک
لە خۆت و بەرد
ر
ۆ
ژ
ب
ا
ش
ە
و
ش
ا
د………….
