ئێوارەیەک

ئێوارەیەک

 

ماریا ئەحمەد/ شاعیر/ هەولێر

 

 

ئێوارەیەک خاڵی لە قاقا بێهودەکان 

لە ناو گەرد و تۆزی ڕاڕایی نقوم بووم و 

ژەهری ژیانم دەنۆشی 

هێواش هێواش 

لە باوەشی ڕوحێکی پەژمووردەیی 

لە ناو چرچ و لۆچی 

ڕوخساری چارەنووس و 

چاڵی پڕ لە لیتەی پیربوون 

لە نێو قەدی ئەو تەماشاخانەیە 

سەرم بە سنگی خۆر کرد و 

خۆم دایە دەست شەپۆڵەکانی ئەندێشە

لە یەقینی قیامەتی

 لەت و پەت بوونی

 ژنبوونم دەڕوانی 

ئێوارەیەک 

وەک باڵندەیەکی دڵشکاو 

لە چۆلەوانی دڵێکی هەڵەتە بوو

خۆم بە تەنافی 

یادەوەریەکان هەڵواسی 

ئێوارەیک 

سارد سارد 

ساردتر لە چرپە و 

ئاهی ساردی 

کیژ و ژنە بێمرادەکان 

لە خانەقای دڵتەنگی 

بە بێدەنگی ڕاوەستا بووم !

ئێوارەیەک 

دەستم بە دامێنی 

خۆری خۆرەتاوی 

خەیاڵە دڕکاوی و 

هەناسە تەڵبەندکراوەکانی 

ڕوحی خۆمەوە گرتبوو !

نەبادا بکەوێتە خوارەوە و بشکێت 

دواتریش وەک 

گەردی بەر ڕەشەبا 

با بیبات و گەروم تاڵ کات !

ئێوارەیک لەسەرەخۆ 

ژەهری ژیانم هەڵدەدا !

                       ماریا ئەحمەد / هەولێر