شەڤێن بێی تە
ڕزگار کێستەیی/ نڤیسکار/ دهۆک
ئەڤ شەڤە ب دوماهی نەهات
د ناڤ داڤێن تاریا وێ دە
داڤێن پرچا تە یەکو یەکو
دڤەهینم و د کەمە دوو کەزی
ئاخخخخخخ من چەند شەڤێن بێی تە دەرباز کرن
د وان شەڤان دە تبلێن من د تاریێ دە
ل داڤێن پرچا تە د گەران
دا سەمفۆنیەکا تێر ئاواز پێ ب ژەنن
ل گۆکا مەمکێن تە دگەران
دا د ڤێ تاریێ دە
وان بکەنە شەمالک
بکەن چرا
دل و چاڤان پێ رۆن بکەن
شەڤا تاری پێ بکەنە رۆژ
هەموو جیهانا تاری پێ رۆن بکەن
ب تەوافا لێڤێن من
کانی ژێ بزێن
ئەڤین ببارە
ئاواز دەرببن
شەڤ ڤەڕەڤیت
هەموو جیهان ببە بهەشت
ببە بوهار
ببە سپێدە
ببە سحار
