هایکو ـ ( ئاونگی بەر مانگە شەو )
ناسیح ئەدیب/ شاعیر/ سلێمانی
١ـ ئاونگی بەر مانگە شەو ،
فرمێسکی دایکێ ـ
خەڵوەتگەی پیری !
٢ـ پرسە گێڕی نیشتمانێکم ،
هه ر ڕۆژەو ـ
کۆستێکی دەکەوێ !
٣ ـ تەنیا نزای دایکە ،
له ڕووباری ژیان ـ
دەمان پەڕێنێتەوە !
٤ـ شەڕی نێوانمان ،
بەخاڵی کۆتا ناگا ـ
تا ماچ نێو بژیوان بێ !
٥ـ توێشە بەری پاڵەیە ،
له وەرزی دوورێنە دا ـ
کولێرەو دۆ !
٦ـ ئەوی چوو هه ڵدێرا ،
بێ سەرو شوێنە ـ
ڕێگەی عە شق !
٧ ـ ناچێتەوە سەر لێو ،
تۆراوە له زمان ـ
ماچ !
٨ـ هه ناسەکانم شەوم ،
دەبنە ئاونگ ،
له گۆنای تۆدا !
٩ـ بە نهێنی دەمێنێتەوە ،
له نێو بوخچەی ژیانا ـ
ئەوینی من و تۆ !
١٠ـ دەمێکە سەمای بیر چۆتەوە ـ
ناچێتەوە سەر ڕانی ژن ـ
تە شی !
١١ـ گەورەترین تاوان ،
شکاندنی دڵی ژن ـ
گەمژە ی پیاو !
١٢ـ با بچینەوە کەرکوک ،
دار نارنجەکان بتەکێنین ـ
بە یادی مناڵی !
١٣ـ له و دونیایش ،
داوای هه نارکانی تۆدەکەم ـ
بۆم بکەنە شەراب !
١٤ـ ئەوی نەی چە شتبێ ،
نازانێ چەندێ تاڵه ـ
دەردی هه تیووی !
١٥ ـ قاقای پێکەنینی ژنێ ،
دەڕژێتە چۆمی ژیانەوە ـ
تاڤگەی ئەوین !
١٦ـ چاوەڕوانی ئەشکی لێدەباری
دڵ کەیلی خەمه !
دایکێکی جگەر سووتاو !
١٧ـ پەڵە هه ورەکان دەژمێرێ ،
چاوەڕێی بە ختە بارانە ـ
کێڵگەی تینوو !
١٨ ـ بەرامەی گەیشتە دڵ ،
کزە بای ڕاسپاردە ـ
نمەی باران !
١٩ ـ پاییز بەبێ نازی مایەوە ،
کەسێک نی یه بیدوێنێ ـ
بێ دەنگە ژەنراڵ !
٢٠ـ کچی پاییزە ،
گەڵای کردۆتە گوارە ـ
خەزان !
٢١ ـ من قاچێکم بە خشیووە ،
ئەو دەستێکی ـ
بە نیشتمان !
٢٢ـ ئە شکی خوێنین ،
جۆگەلەیان بە ستووە ـ
سەختە دابڕان !
٢٣ـ جوانی نمایش دەکات ـ
بە کراسی مۆرەوە ـ
دار ئەرخەوان !
٢٤ـ گسکی دا له دوا هه وار،
ئارەقەی نێو چەوانی سڕی ـ
هاوین !
٢٥ ـ بۆ خەڵوەت نشینی ،
ڕێگاکان دەمان باتەوە ـ
ماڵی پەلکە زێڕینه !
** ** **
