دەتوانم و ناتوانم!!
غازی حەسەن/ نووسەر/ ئەمەریکا
کەوتوومەتە بنی قووڵترین بیر
نە بێ بیر دەتوانم
نە لێی دەرباز دەبم
بیر، بیر .. بنی بنی بیر چەندە تاریک و هەناسە بڕە
کە بیر دەکەمەوە.. لەنێو ئەم بیرەدا چرا هەڵدەبێت
کە بیر دەکەمەوە لەنێو دەریای بیردا مەلە دەکەم
دەتوانم و ناتوانم
چ دەردێکی قورسە..!
کە بیر دەکەمەوە خۆکوژییە
کە خۆکوژ بووم، بیر ناکەمەوە!
بیر.. بیر چ قووڵە
قووڵ.. قووڵ، ئەم بیرە!
