پەڕينەوەی شێتێک

لە سەر زەمين جەستەيەکی داگيرکراوم،

نامۆم بە خۆم پڕم لە تۆ!

من ئێستا ؛

بەرەو هەورازييەکانی ئەندێشە هەڵدەکشێم،

ملی رێگای کاکێشان دەگرم !

ڕێگای کاکێشان توولانييە

دەچێتەوە سەر سيرات !

سيرات ؛

پردێکی يەکسەرەيە،

تەنها ئاشقان دەتوانن بە سەريدا تێپەڕ ببن !

دەڵێن :

لە موو باريکترە و لە مووس تيژترە ،

من باکم نييە، چەندين قوربانييە شيعرم بوونەتە بوراق!

بوراق ؛

لە جيهانی بەرجەستە مرقەمرقی بەرانە شيعرييەکانمە،

نێرينەن ،

لەوێ دەبنە تاکسی گوندار