دوو شیعری پاول سێلان (١١٩٢٠- ١٩٧٠)
وەرگێڕانی لە سوێدییەوە: ڕزگار شێخانی
.
تاریکبوو ١٩٦٨
.
١
هێماکە
لەو شوێنەی ناوی هێنابوو
شەکەت بە خەونی بەهێزەوە
بەسەر سەران دەخولایەوە.
.
ئێستا:
پەڕەلمەکە بلەرێنەوە،
هەتا ئاسمان
دووکەڵێ لێ هەڵدەستێ.
.
.
.
٢
.
بەردەلەنگەرە
هەڵکۆڵراوەکە
هەڵدەدەیت؟
.
هیچ شتێک لێرە نامهێڵتەوە،
.
نە شەوی زیندووەکان،
نە شەوی لاسارەکان،
نە شەوی گوێڕایەڵەکان،
.
وەرە، با بەردی بەردەم دەری
ئەم خێوەتە خۆڕاگرە بەلادا بخەین.
.
.
تاریکبوو (١٩٦٨)
ناوی ئەو یازدە شیعرەیە، ساڵی ١٩٦٨ لە ئەنتۆلۆژیایەکدا بەناوی:
Aus aufgegebenen Werken بڵاو کرانەوە.
بەڵام پێش و دوای خۆکوشتنی پاول سێلانیش لە ساڵی ١٩٧٠ دا، لە هیچ دیوانێکیدا بڵاو نەکراونەتەوە. ئەو خۆی ناوی -تاریکبوو- ی لەم کۆمەڵە شیعرە ناوە. ساڵی ١٩٩١ ئەم شیعرانە و تێکستی تری بەجێماو، لە کتێبێکدا بەناوی (تاریکبوو)، بڵاو کرانەوە.
.
سەرچاوە: – تاریکبوو- وەرگێڕانی لە ئەڵمانییەوە بۆ سوێدی: پرۆفێسۆر ئەندێرس ئولسۆن. لە ژمارە ٦٨-٦٩ ، ساڵی ٢٠٢٠ی گۆڤاری AIOLOS بڵاو کراونەتەوە.
