دويتی پەری و ڕووناک
پەری عەبدوڵڵا ، ھەولێر
ڕووناک ئاڵتوون، سلێمانی
،لەباخەڵی دەسرازەدا
-ڕاچڵەکیم لەشیرن خه‌و
!پژمەی حەت حەتۆکە
ڕووناك ئاڵتوون
—————————
،بێ هیوا نیم
بێشکەی نەوەکەم ـ
!لە دارى سێدارەکەی قازی یە
په‌ری عبدالله
—————————
،لەناو لانکە دارینەکە
-گریانی بیر بردمەوە
!ئیقای ئاوازێکی دایکم
ڕووناك ئاڵتوون
—————————
،لە سەر ڕوخسارم
سپی و سوورو شین ـ
!گوڵینگه‌كانی دەسرازە
په‌ری عبدالله
—————————
،مۆتەکەی سەرسنگمی تۆراند
لەنجەولاری مورووی بێشکە ـ
!خەونێکی نارنجیی
ڕووناك ئاڵتوون
—————————
،لەسەر کەوەی لانکەکەم
بەجێماوە-
!شوێن پەنجەی دایکم
په‌ری عبدالله
—————————
