بەرهەم
ئارام دهۆکی/ شاعیر/ کەنەدا
مە زەڤیەک هەبوو
هەم چوول بوو و هەم ژی بەیار
روژەکئ خەیالا مە هات
ئەم مینا خەلکی بکەین رەز
یان بکەین بیستانەک تژی دار
پێکڤە مە ملێ خودا بەر
هندا بەر ژێگرتن و
برین تراش
هندا کرە زبارە
کێلا و کۆلا پەرە و بەلاش
هندا تان چێکر
بکێزما و تەلاش تەلاش
چاندن شتلێن رەش مێوی و
یێن تەیفی رێز برێز
هندا سەخبێر و ئادەکر
هندا ژی ژ دیرڤە تەنێ تەماشەکر
بهەرحالەکی بە رەز
بهەزار زەحمەت و ئیزا هاتە بەری
گەلەک جهێ خەمێ
بەهەرهەمێ رەزی
هند تەرگێ قووتا
هند شوبێ گرت
هند بۆ شیڤ و فراڤینا هرچا
یێ مای ژی ریڤی و چەقەلا خار
لەوان ئەم ژ هینگێ وەرە دکەین
هەوار هەوار
ڤەدگێرین و د بێژین
خوزی مە رەز دانەنابا
بلا هەر مابا چول و بەیار
نەکو ئەڤرو تلیا تری
لمە هزرەتە
کەد و بەرهەم
لمە بۆ ژەهرە مار
