دوو کورتە شیعر
ئەڵماس مستەفا/شاعیر / سوید
لە دارئەرخەوانێکم پرسی ..!
لە کام رەنگی ئاڵی لێوی خولیایەک
لە گەردی حەزی کام دارهەنارێک
لە مەیلی خۆزگەی لیوی چ عاشقێک
جەمالی تروسکایی چ شۆخێک
حوکمی ئەم جوانیەت بە خۆت بەخشیوە
…………………………….
بەس لەگەل تۆ بم ..!
…
لەکام ویستگەی دلنەوایی بەتۆدەگەم لەوێ چاوەرێت دەکەم .!
لەکام شەقامی وفاوە بەرێ دەکەوی .!
بەرەو کام ناونیشانی پێکەوبوونمان ھەنگاودەنێی
من لەوێ دەبم بەس لەگەل تۆ بم.!
