خه‌زاڵه‌كه‌م !!!
زمانی شێعرم دەگۆڕم
کامران شافیعی/شاعیر / نەرویژ
هەرچی وشەن لە بەژنی تۆ
وەریان دەگرم
لە چاوت جوانی دەردێنم
لە سینەشت
باغی بەهەشت
لە جێی هەر خۆشەویستیەک
دڵی تۆی لێ دادەنێم
ڕێک و پێکی هەڵبەستیشم
لە باڵاکەی تۆ دەبەستم
دەنەخشێنم ماڵیک بۆ ماچ
لە لاجانگ و کوڵمی گەشت
لە ناویشت
هیوای ژیان
هەرتۆ
جاریک پێم بڵێی نا
مەرگ دەکەم بە کۆتایی شێعرەکانم
خۆم لە داری بسکت دەدەم
زمانی شێعرم دەگۆڕم
هەر بۆ ئەوەی
ئەتۆم هەبێ
