حه‌زره‌تی دڵ
ڕاژان حیسامی/ شاعیر و گۆرانیبێژ / تاران
حه‌زره‌تی دڵ
ئه‌مڕۆ ڕێکه‌وتی چارده‌ی گوڵانه و گوڵی یادت به جۆرێک خۆی خستۆته گوڵخانه‌ی دڵ لێبڕاوی کردووم ناوت بنێم حه‌زره‌تی دڵ
ده‌سا حه‌زره‌تی دڵ
وه‌ک چۆن بولبول بۆ دینی گوڵ ئۆقره‌ی ده‌بڕێ و پڕ به گه‌روو به‌سته‌ی ده‌چڕێ ئه‌وا منیش مه‌لی هه‌ستم باڵی گرتووه و به‌ره‌و باخچۆڵه‌ی خه‌یاڵی‌ترین دیدارت
به‌ره‌و ژوانگه‌ی پڕچێژترین یادگارت که‌وتۆته ڕێ.
حه‌زره‌تی دڵ
ئه‌مڕۆ ڕێکه‌وتی چارده‌ی گوڵانه و گوڵی یادت به جۆرێک خۆی خستۆته گوڵخانه‌ی دڵ لێبڕاوی کردووم ناوت بنێم حه‌زره‌تی دڵ
ده‌سا حه‌زره‌تی دڵ
وه‌ک چۆن بولبول بۆ دینی گوڵ ئۆقره‌ی ده‌بڕێ و پڕ به گه‌روو به‌سته‌ی ده‌چڕێ ئه‌وا منیش مه‌لی هه‌ستم باڵی گرتووه و به‌ره‌و باخچۆڵه‌ی خه‌یاڵی‌ترین دیدارت
به‌ره‌و ژوانگه‌ی پڕچێژترین یادگارت که‌وتۆته ڕێ
دێته یادم بارمان، باری پڕ له تامی زۆر دڵداری بوو
تازه که باران باریبوو، شه‌ونمی ماچ له گوڵی لێو عاره‌قه‌ی شه‌رمی لێ ده‌ڕژا
به‌رام و بۆنی عه‌تری سێو به جێژوانی بێژانیمان دا ده‌پژا
یاس له ئامێز ده‌خزا
چاوم زمانی گرتبوو
ده‌ریای ده‌روونم ده‌هه‌ژا
جه‌نابی دڵ
حه‌زره‌تی یار
له‌بیرم ناچێ ڕۆژنگار بیست و دووی تۆمار کردبوو، به‌ڵام ئه‌وینداری ئه‌وینه‌بار هه‌ر بیست و چوار کاتژمار چاوی له چاوت نه‌ده‌بڕا وه‌ک سه‌وزایی له ڕۆحی گیا
شه‌پۆل له که‌ناری ده‌ریا
که‌و له چیا
چه‌شنی لاوێن بێپارێزێ نیشتمانی
بۆی دانێ گیان به هاسانی
منیش ئاوا پڕ تامه‌زرۆ ده‌مڕوانییه تۆ
بیرم ده‌کرده‌وه وڵاتی هه‌ستت ئی منه
ئاڵای قژم ئاڵای به‌رزینترین چیای ڕۆحت ده‌بێ به هه‌ناسه‌ت ڕایده‌ژێنم
به نه‌رمه شنه‌ی به‌هاره‌نازی ئه‌وینت ده‌یشه‌کێنم
دڵگه‌شێنم
ده‌گه‌ڵ ئه‌وه‌ی شاعیرێکی شێعری شێتم سایه‌ئاسا له‌به‌ر پێتم، گوڵشه‌نێکم له‌سه‌ر ڕێتم
ده‌ستم ته‌سلیمی ویستته
هه‌ستم ته‌سلیمی هه‌ستته
دڵگه‌شێنم
ده‌گه‌ڵ ئه‌وه‌ی شاعیرێکی شێعری شێتم سایه‌ئاسا له‌به‌ر پێتم
گوڵشه‌نێکم له‌سه‌ر ڕێتم
ده‌ستم ته‌سلیمی ویستته
هه‌ستم ته‌سلیمی هه‌ستته
ده‌سه‌ڵاتی وڵاتی وجوودم له ژێر فه‌رمانی تۆدایه، تۆ سوڵتانی حوکمی حه‌کیمت ڕه‌وایه، تۆ فه‌رمانده‌ی هه‌رچوار وه‌رزه‌ی هه‌تا ببم له‌و سه‌ر عه‌رزه‌ی
خۆشه‌ویستم
که‌ی شێعرم شعووری هه‌یه ڕازی دڵم مانا بکا
که‌ی ده‌سخه‌تی خه‌ت‌خه‌تی من ناخی هه‌موو شاراوه‌کان خانا ده‌کا
که‌ی ده‌توانم سووڕه سووڕه‌ی خۆشه‌ویستیت له لاپه‌ڕه‌ی ئه‌وینی پڕ بیره‌وه‌ری ئایه ئایه دابڕێژم
ده فێرم که واش بتوانم نه‌مامی ئه‌م ئه‌وینه تازه له گوڵجاری به‌هاره‌ڕێت که‌ردوو به که‌ردوو بڕێژم
ده فێرم که
ئازیزه‌که‌م
له‌م سووتمانه کاتانه بێ تۆییه ئه‌تۆ بڵێی به بێ تۆیی چیم به‌سه‌ربێ بۆیه ده‌ڵێم خێوی ئێحساسم هه‌ر ببه
له‌م چرکه پڕ برکانه‌ی بێ تۆییه ئاتۆ بڵێی چیم خه‌به‌ر بێ
بۆیه ده‌ڵێم هۆکاری کێشی هه‌ناسه‌م تۆ هه‌ر ببه
کاتێ بیریشم له‌و کاته ناکاتانه ده‌کاته‌وه ئای ئه‌وه هاتوو ڕووحی نووحی سه‌وزه‌ڵانی عاتیفه مرد
ئه‌وه هاتوو کێو باوه‌شی به‌ده‌ریا گرت
ئه‌وه دامنا به‌هار لووتی له هاتن هه‌ڵپێچا
ئه‌وه هاتوو پاییز سێ وه‌رزه‌کانی هه‌ڵخێچا
ئه‌وه هاتوو نه‌هه‌نگ ده‌ریای بێتاوانی خنکان
ئه‌وه دامنا خوله‌ژمێری زه‌مان، گشت کاته‌کانی هه‌کرتاند
ئه‌وه هاتوو نه‌هاتی هاتی هه‌ڵچۆڵاند
له وه‌ها ته‌نگه ساتێکدا
له‌وه‌ها نه‌هاتمه‌ت هاتێکدا
چۆن دێیه لام
چۆن دێیه لام، که بێ تۆ ژین مانای ژانه
ژان نوسخه‌ی نه‌مانی له‌به‌ر ده‌ستی دا گیانه (سه‌رنج)
زه‌مان په‌لاماری زمان ئه‌دا کپ که‌وێ
نازانم
نازانم، وه‌ها شێواوی شێوه‌تم
وه‌ها تاساوی تاسه‌تم بۆ هه‌ر شوێنێکی ده‌ڕوانم چاوم پڕپڕ ده‌بێ له تۆ
لێم بوویه سۆ، بۆیه ده‌ڵێم سۆمایی چاو
لێم بوویه هێز، بۆیه ده‌ڵێم هێزی هه‌نا
سۆمایی چاو
بڕوانمه کوێ تۆی لێ نه‌بی؟
بڕوانمه کوێ جێی تۆ نه‌بی؟
له هه‌رلایه‌کی ده‌ڕوانم، له‌ڕووحی ئاسۆی بێسنوور دێیه حزوور
ده پێم بڵێ
ده پێم بڵێ، ده‌ڕوانمه هه‌ر سیله‌سووچی گۆی زه‌وی، چاڵ و به‌رز و نزم و نه‌وی، له‌مست ده‌که‌م خودی خۆتی هه‌وی هه‌وی
کاتێکیش چاو ده‌نێمه سه‌ر یه‌ک ورته‌ورتی نه‌رمه‌ی ماچت ماتی‌ماتم ده‌کا
کاتێکیش که هه‌ست ڕاده‌گرم گه‌رمایه‌ک جه‌سته‌م داده‌گرێ، گه‌رم‌گه‌رم ده‌چمه ناوجیهانێکی لێوڕێژ له چێژ
نه‌رم‌نه‌رم
دێته یادم بارمان، باری پڕ له تامی زۆر دڵداری بوو
تازه که باران باریبوو، شه‌ونمی ماچ له گوڵی لێو عاره‌قه‌ی شه‌رمی لێ ده‌ڕژا
دڵگه‌شێنم
ده‌گه‌ڵ ئه‌وه‌ی شاعیرێکی شێعری شێتم سایه‌ئاسا له‌به‌ر پێتم
گوڵشه‌نێکم له‌سه‌ر ڕێتم
ده‌ستم ته‌سلیمی ویستته
هه‌ستم ته‌سلیمی هه‌ستته
