ئەفۆریزم
_میلان کوندێرا (1929_ 2023)
نووسەر و فەیلەسوفی چیکی_فڕەنسی.
_و: زانا خەلیل
گەورەترین کارەسات بۆ پیاو
زەواجێکی بەختەوەرانەیە
چونکە ئومێدی جیابوونەوەی نامێنێ.
•
دڵەکانتان
لە دەستی ئەوانە دەربێنن
کە شایەنی نین.
•
زوو پەیوەست مەبە،
چونکە زۆرینە راگوزەرن.
•
کاتت بۆم نەبێ،
شوێنم بۆت نییە.
•
هەندێجار
رق وەک کحول
خەڵک سەرخۆش دەکا.
•
زۆر شێواز هەیە
بۆ سەرنجڕاکێشانی ژن
دڵنیاترین رێگەش
ژەنینی وەتەری خەمەکانییەتی.
•
ئازادیی نییە،
بۆ دوژمنانی ئازادیی.
•
ئێمە لاوازین
بەرانبەر ستایش.
•
دەبەنگەکان
هەموو شت دەزانن.
•
سەرەڕۆیی رێگەیەکە
بۆ تێگەیشتن لە جیهان.
•
ئەی رێزداران..
چ خەمێکە، کەسێک بژیت و
نەتوانێ هیچ شتێک و
هیچ کەسێک بە جددی وەربگرێ.
•
ژیانی مرۆڤ
لە چرکەیەک زیاتر ناخایەنێ و
گەیشتن بەوانەیش
کە مردن لێی بردووین زۆر نزیکە.
•
کە کێشەیەک ساز دەبێ
باشترین چرکەساتە بۆ من
تا زیرەکیمی تێدا تاقیبکەمەوە.
•
______________________
