رۆژانە سەد وشە دەنووسم

ئەوەی دەیگێڕمەوە داستان، ئەفسانە، نییە، راستییە؛ ژنێکی ئەمریکی، لە گۆرانیگوتن ستارە، ”سیلین دیون” کە دەزانێت لە ئاهەنگێکی گەورەی حزبی کۆماری بۆ دۆنالد ترامپ گۆرانییە بەناوبانگەکەی ئەویان لێداوە! وادەزانێت گۆرانی ”My Heart Will Go On”ی فیلم تایتانیک لە هەڵبژاردنی سەرۆکایەتی ئەمریکی گەورەترە، سامانەکەی ئەو زۆرترە، قبوولی نییە بەبێ پرس، گۆرانییەکە بەکاربهێنن!

وادەزانێیت گۆرانییەکەی باس لە ژوان، گەیشتن، خۆشەویستی دەکات، نەک سیاسەت، پانخوازی، تووڕەیی، ململانێی سامان و شەڕ!

ژنەکەی لەوەتی دەنگی هەڵبڕیوە؛ وەک کۆترێکی ناسک، لەناو هەزارەها کەس، لەگەڵ رووناکییەکی تاریک، موزیکێکی سادە، جەستە نیوە رووت، باریک، وەک رێواس؛ باسی ئەڤین، مانەوە، ترپەکانی دڵی بۆ خۆشەویستی دەکات، نەک کاندیدی سەرۆکی ئەمریکی.