هەر نەهاتی

گوتم : دێت هەر نەهاتی

گوتم : دەردەکەوێت کەچی هەر دیار نەبووییت

گوتم : لە دەرگای ژوورەکەم ئەدا کەچی لە دەرگای دڵت هەر نەدام

گوتم : رۆژێک بە زەیی بە گریانم دێتەوە کەچی بەزەییت هەر پێمنەهاتەوە

گوتم : رۆژێک دێت و باوەشم پیادەکا کەچی جارێکیتر باوەشت پیا نەکردم

گوتم : رۆژێک دێت و بەزەیی بە لێوەکانم دێتەوە

وەکو جاران ماچم دەکات هەر ماچت نەکردم

گوتم : رۆژێک دێت و تەوقەیەکی گەرمم لە گەل دەکات

هەردوو دەستی دەخاتە سەر هەردوو شانم

بە گۆی مەمکەکانی گریانەکەم ژیر دەکاتەوە

چاوەرێت بووم کەچی بەرکۆژەت بە یەکجاری داخست

گوتم : ئەمرۆش نەبێت سبەینێ هەر دێت

کەچی هەر نەهاتی گیانە ، هەر نەهاتی ، هەر نەهاتی

6 / 10 / 2010 / هەولێر