نموونەی غەزەڵێ

دەبینی گەر دەروون وناخی لالە

خەم وداخێ تەنیویەو پڕمەلالە

لەناخی ڕەشکەوەی پڕ زامی ئەودا

کپە هاواری ئازارێ ، شەلالە

هەموو جەور وجەفا و زووخاوی گەردوون

بەکۆهاتوونە خزمەت ئەم دەلالە

بە دەوری گوڵپەڕی ناسکدڵی گوڵ

ڕەوەز پەرژینی خەم دەرد و کەلالە

چزووی زامێک ودەردێکی وەهایە

کە ساڕێژی بە تەنیا هەر هەلالە

لەدەستی ڕۆژگاری تاڵی پڕخەم

جەفای دیوە،هەناسەسەردە لالە

بەسەر ئەم هەمووە ئازارە ،هەنووکە

گوڵێکی زیندووە ، پڕ هەستە لالە!