پێشبینی کۆترت هەبێت
گۆران ساڵح/ شاعیر/ کەرکووک
پێشبینی کۆترت هەبێت
ڕەنگە بەیانی
کە خۆر هەڵهات ئاسمان شین ،
شین بێت بۆ فڕین
کۆلارە هەڵدە لەسەبری ئەیوبدا
قایم خۆت بگرە بە ئەستێرەیەکەوە
پاکی ئاو فەرامۆش مەکە
بۆ زەین گوێ لەدەنگی دڵ بگرە ،
دڵ دەڵێت : ڕۆژێ سڵاوێک دێت
ڕووناکی پێیە
بۆنی یەکسانە بەبۆنی باغاتی بەهەشت …
ڕۆژێک دێت
خۆر لە درزێکەوە
هەر دێتە ژوورەوە ،
هەوا بگۆڕێت
بەقسەی شیعر بکە
تا برینەکانت دەبن بە ئینجانەی گوڵ
تا دووعاکانی دایکت
لەناو خەونەکاندا دەتکەن بە چۆلەکە