گریانی من ناوەستێ

سلێمانی

تۆ رۆیشتی سەفەرت خێر

لە بری خەندە فرمێسکی سوێرت بەجێ هێشت بۆم

تەنها تۆ نیت لە بۆت بگریم

ئەی نیشتیمان ..!! ئەی دۆرانی دوای ماندوو بوون و خوێنی شەهیدان ..!!

تۆ لە بیرت چوو ، من بەو داخەوە دەتلێمەوە

بە جووت هەردوکمان لە شاخ بۆ شاخ

لەبەر رەهێڵەی بەفر و باران

کزە و نووزەی کۆرپەی ساوا

هەرچی کردمان تۆ جێت هێشتم

نەهامەتیش بۆ من ماوە …

ببورە لێم ئاگات دەکەم

تەنیا ماوم بەرگە ناگرم

رۆژگار بۆمن خوێنە و دەرژێ لە هەردوو چاوم ..

برۆ .. برۆ خێر بێتە رێت

منیش خەمی تۆ و نیشتیمان تێکەڵ دەکەم ..

بۆتان دەگریم بە فرمێسکی سوری خوێنین

تۆ ماڵئاوا

نیشتیمانیش لانەی گەرم و پر لە خێرە

بۆ گەندەڵ و خاک فرۆشان …