بەختێ من و بەختێ تە!!
ئەلند مزووری/ شاعیر/ دهۆک
ئەو هیڤیێن
ژ کاروانێ عەشقا
هەبوونێ
ڤەقەتیاین
یێن دناڤ پەراسیێن
دەمیدا
خەونێن خۆ ڤدگێرن
یێن تەحلە فنجانا
قەهوا بێ ئۆمێدیا
سەرنشیڤ دکەن
دا فالەکێ بۆ بەخت ڕەشیا
خەونێن خۆ
دناڤ دا ڤەگەن،
ئەرێ …!!!
هوین دبێژن
دێ ڤێ جارێ ژی
بەختێ خەونێن مە
وەکی هەر جار بیتن..!!!
هەوە چ گۆت؟
ئەز بخۆ دبێژم
فاڵکا ڤێجارێ ژی
چ تشتەکی ژ فالکێن جارێن دی
جودا ناکەت…!!!
ئان نە….
هەما بهێلن….!!!!
ئەڤە ئەز هەیم
من حەز
ژقەهوا تەحل نەکریە
هەر جارا من
بێ دلی خۆ ژی فرەک لێدای و ….
ڤەخاری،
فرا دووێ ….
من بەختێ خۆ یێ ڕەش
دناڤ ڕەشاتیا وێ دا
تێکەل کریە و ….
من فالک پێ ڤەکریە.
بەلکی جارەکێ سپیاتی
وەک بەفرا ل پۆرا من دا باری
ئاقارێن بەختێ مە ژی
ب داپۆشیت.
بەلێ هێشتا
جارەکێ ژی
بەختێ من تێدا
سپی نەکریە….!!!!
وەلاتێ من ….!!!
ئەز دزانم ئەز یێ بۆ تە دژیم
دلێ من بۆ عەشقاتە
یێ خۆ دکەتە وار و هێلین
چاڤێن من ….!!!
یێن بۆ بەختێ تە …
رۆندکان دبارینن و ….
دگرین،
ئەڤە من لبیرە
بەختێ من و …
بەختێ تە
وەکی ئێکە !!!!
نە لتە سارێژدبن برین،
نە لسەر لێڤێن من
جارەکێ کەهی دبن
کەنی و گرنژین.
