نەهدەرا

گەلەك جاران تو د ڤی گەلی را بوری،چەند تو بوریبای ل وێ سەمتێ هزرەك ل جەم تە پەیدا د بوو ئەرێ چما ڤی گەلیێ رەپورووت ئەڤ نەه دارە لێ شین بوونە. هەبت نەبت ڤان داران چیڕوكەك هەیە. ژ خوە هندەكا دگوتێ نەه سەران.یا ژ هەموویێ حێبەتی تر گوندێن دەردوڕێ د گوتن ئێڤاریێن چارشەمبیا نورهەك ژ ڤان داران دچت گوندێن دەڤەرێ ریا دانەكی روژێ ژ دوورڤە ئەو نورهە د دیتن. .گەلەك جاران كاروانی دەمێ شەڤەدەر د بوون نە د وێران د وی گەلی را دەرباس

ببن رێكا خوە ڤەدگوهاستن. هەر چار وەرزێن سالێ ل هنداڤی وان داران نەه ستر دبرسقین روناهیا وان یا گەش باش خویادكرن. ئەڤ سیێرێن هە نە حەجمتی بوون ل جهێ خوە نەدراوەستان هەر وەك یاریا بكن وەكی زاروكێن مە. جارنا د راهێلانە ئێك دوو دیارە چینكانێ دكرن و جارنا دبن رێز یاریا ئاشێ پرو پروڤانو دكرن.ئەڤ دارە و ئەڤ ستیێرە بو تە ب بوو نە مەرەقەكا مەزن تە گوتە خوە ئەزێ ڕوژەكێ د روحا خوە بورم و ب شەڤ خوە قەلێزمە نێزیكی ڤان داران كا ئەو چ دەنگودورە ژ ڤان داران دهێت.مام خدرێ دای خەمێ جارەكێ گوت ئەز بەری چەند سالان شەڤەدەر بووم كەتم ناڤا ڤی گەلی ژ نو بیرا نەهدەران هاتە بیرا من ژ ترساندا هئدی من نە وێرا پاشڤە بزڤرم یان پێنگاڤەكێ بچمە پێش، تشتێ ژ من هاتی هەما قەدەرەكێ دوورێ داران خوە درێژكر دناڤ وێ دەغەلێدا خوە هشاردا ژ ترساندا خەو بچاڤێن من نەكەت ، من و شەڤێ دا بەرێك و گوهێ من ما ل سەر دنیایێ و چاڤێن من ل ئاسمانی . دەمەكێ من هندیت هەر نەه ستێر رژیان وەكە بروسیان، من مێزەكر نەه كەڤوكێن سپی دادانە سەر وان دارا . كێلیكەكێ غافل بووم و من چاڤێن خوە پەرخاندن دیسا

تەماشەكر بوونە نەه زاروك دەست ب یاری و لەیستنێ كرن

. باش گوهێ من لێ بوو ئئكی د كوت جوقی دورا تە یە، ئێككێ دێ گازی دكر بەرەكات و پاشی من زانی ناڤێ ئێك ژ وان خەلات بوو . تەزیلانك ب سەر لەشێ مندا هاتن. بایەكی گەرم ب ناڤ چاڤێن من كەت و ئەز لەرزیم دلێ من ژ خوە چوو من هند ئاگەه ژ خوە هەبوو روژا پاشتر روژ یا هاتیە هنداڤی سەرێ من، من دەستپكێ نەوێرا ڤێ چیڕوكێ بو كەسێ بێژم چنكو من دزانی كەس ژ من باوەر ناكت.

ئەو مەرەقا بەرێ تە هەی سەرهاتیا مام خدر پتر بو تەكرە مەرەق. بەر بەرێ ئێڤارەكێ تو ژ مال دەركەتی و تە قەستا گەلیێ نەهدەرانكر. بەری ڕوژ ئاڤا بوونێ تە بو خوە كونجەك نێزیكی داران چێكر. و چاڤێ تە ما ل ئاسمانا وان ستێران دیسان زیق زقەك دكر د راهێلانە هەڤدوو. جارەكێ ژ نشكاڤە غەوارە بوون تە هندیت كومەكا زاروكان ل بن وان داران یاریا دكن تە نەوێرا كرپێنیێ ژ خوە بینی. هەتا بەر سپێدە تیڕۆژێن ڕوژێ خو یا بوون و دنیا زەلال بوو تو ژ كونجا خوە دەر كەتی و بەر ب وان چووی و ژ دوورڤە تە بانگ كرێ وا جوقی دیسان ژ نشكاڤە بوونە نەه كەڤوكێن سپی و فرین و ل پێش چاڤێن تە بەرزە بوون . دەمێ تو چووێ جهێ وان هێژ خانیكێن وان یێن ئاخێ وەكە خوە نە.