بێنازی کورد

ئاخۆ زریانی چ دەریاێکە
ئەمڕۆ
شەڕمان دەکات

نەخشە بۆ تەمەنی گوڵمان
دەکێشێ.

خودایە
ئـارامی تۆ چەندە سەرسامم
دەکات

چەندە بێ هیوا و
چەندە
بێ ئۆقرەییم دەژاکێنێ

خودایە
بۆ هەتاوێکمان نیە
بەچاوی سێبەرەوە سەیرمان
بکات

دەست بەسەری داماویمان
دابێنی

تاکەی قـوڕی گوناهکاری
بە شیعری شاعیران بەفرمێسکی
تەماشا بشێلدرێ

غەدر ببێ بەملوانکە و بخرێتە
ملی ڕووناکی

چیرۆکێکی چەندە سەیرە ئاخر
خودایە
ئەم هەڵکەوتــە

لەوەتەی هەین هەر تاریکی دەبێ
بەزاوان و

بە شەربەتی دەستی خۆمان
خۆمان دەخنکێنن .