کۆنە زام
جەلال هانسی/ نووسەر و شاعير / نەرويچ
هەزار برینی کۆنەزام
کولایەوە
هەزار خۆزگە و هیوای دێرین
ڕەوایەوە.
بە دەم پاییزی کزەوە
هەڵوەرین گەڵای بێنازی
هەموو خەڵفی پیرەداران
ئەو بزانەی بە قەتار کەوتبوونە ڕێگە
بە دەم ڕەشەبای شوومەوە گلان
.
تەلی دڵپڕی هەر سازێک
نەغمەی سەردی هەر ئاوازێک
چەمەری ژەن کۆچڕ چڕە.
کێیە هەڵنەپەڕێ شەلان شەلان
خوێن لە برینی نەچۆڕێ
لەم ئاخە٭ کە هەر بستێکی
یادگاری هەزار کۆنە داخە.