کەڤالەکێ سوریالی
دەیکا دالیایێ/ شاعیر/ دهۆک
تیرۆژکێن روژێ
داڤێن خو دداهێلنە دزکێ دەریایدا
ئەز سیاری گەمیا خەما بووم و
بەرەف کنارێن بێ هودەیی برێ کەفتم
بێ ناسنامە، بێ پاسەپورت و
توخیبێت زەمەنی من دبەزاندن
خەونێت خو یێت ڤەمای
هێدی هێدی بەردانە دەریای….
کاروانێ حاجی رەشکا عەور کرنە کەڤالەکێ سوریالی
ل هنداڤێ سەرێ من ئاوازەکا رەند دلوراند
بێ سەر و شین گەمیا خەما ئەز نقوم کردم..
ل دوری تە و دوری وەلاتی
کولان دسارن دقەرسی نە
لتە دگەریام؟
تو لمن بەرزە دبوی و
ئەزماندی دناڤ کەڤالێ عەوراندا غەواردەبوم…