عەشقەلەرز
د. محەمەدعەلی یاسین / شاعیر/ لیسبون- پورتوگال
کەس لڤارا نینە
پەیاسەیەکێ دگەل من بهزرینە
جهـ ژ من
جگارە ژتە
عەشق ژ خۆدای
ترس ژ باژێری
کەس لڤارا نینە
دەستەکێ لسەر خەریبیا مندا بینە
دل ژ من
هەمبێز ژ تە رەحم
ژ خۆدای
شەڤ ژ باژێری
کەس لڤارا نینە
تێهنی بوونا من بجەربینە
لێڤ ژ من
ماچ ژ تە
باران ژ خودای
بیابان ژ باژێری
کەس لڤارا نینە
تەنێ بوونا من بژینە
مەیخانە ژ من
ئاشۆپ ژ تە
رەنگ ژ خۆدای
دەنگ ژ باژێری
