پەرستگەها خەما
دەیکا دالیایێ/ شاعیر / دهۆک
شەڤ سترانەکا خەمکینە
خو دبەژنا زیارەتا وەردکەت
دەنگێ زێمارا وغەرکریا
ل هەر دوو کیشوەرا دەنگ ڤەددەت
پەرێن عەوران سیبەرێ ل بەژنا دار بەریا دەکەت و
بەلگێن دارا سەما مرنی دگەل بای دکەن….
ئەخ بوشەڤێن بیزار و
هەستێن سەرژێکری و
کەرنەڤالێن ژبەر ئێک جوین؟
پاژو شەڤ ل کەڤنە ژنارێن مەتینی و
روگەها خەملا بهارێ
د ڤی وەلاتێ ژئاخێ سل و دل مای؟
د پەرستگەها خەماندا ئاخینک و
حەسرەتا دچویت..
